Skip to main content

Issittumi aningaasaliissuteqartarfik piviusunngorsinnaavoq

Issittumi attaveqarnermut suliniutinut aningaasaliissuteqarnissat pisariaqartinneqarput. Amerikarmiut aningaasaliissuteqarnermut selskabia Guggenheim Partners naliliivoq Issittumi attaveqarnermut suliniutinut 6.850 milliarder koruunit missaannik aningaasaliissuteqarnissaq pisariaqartinneqartoq

Aningaasaqarnikkut piffik nutaaq Issittumi atuutilersinnaavoq. Piffik qanilliartorparput Arktiske Oceanip aasaanerani sikueruttalernissaa. Silap pissusiata allanngoriartornera pissutigalugu nunarsuup avannaarpiaa ammariartorpoq umiarsuillu amerlanerusut tamaanaqquuttalissapput kiisalu uuliasiorneq gas-isiornerlu, aammalu aatsitassarsiorneq aalisarnerlu annertusissapput.

Ineriartornermut aningaasaateqarfik

Aningaasarsiornikkut periarfissat nutaat aningaasaliisunit pilerigineqassapput. Tassami Issittumi sumiiffippassuit - Kalaallit Nunaannit Alaskamut, Canadamiit Finlandimut - ilaatigut umiarsualivinnik, mittarfinnik attaveqaatinillu allanik sanaartorfigineqarnissaannut aningaasaliissutissat amigaatigineqarput.

Issittumi attaveqaatinut suliniutinut aningaasaliissutissat katillugit 1 billion dollarsit, tassa 6.850 milliarder koruunit missaanniittut, pisariaqartinneqarput. Taamatut naliliivoq nunarsuarmi selskabit aningaasaliissuteqartartut siuttut ilaat Guggenheim Partners, taannalu Chicagomi New Yorkimilu qullersaqarfeqarpoq.

Selskabipp aningaasaliissuteqarnermut pisortaa Scott Minerd siuttut ilagalugu aningaasaliissuteqartarfimmik nutaamik namminersortumik suliniuteqartoqarpoq, pilersaarutigineqarluni issittumi ineriartornermut aningaaseriviliornissaq imaluunniit ineriartornermut aningaasaateqarfiliornissaq.

Takornariaqarneq

Kalaallit Nunaata mittarfinnik sanaartorniarnera, USA-llu Alaskami umiarsuarnik sikunik aserorterutinik nutaaliaasunik sananissaminik sinnattua immaqa suliniutit ilagisinnaavaat, issittumi ineriartornermut aningaaseriviup aningaasaliissuteqaqataaffigisinnaasai.

Aamma kissaatigineqarpoq Kalaallit Nunaata amerlanerpassuarnik takornariaqartalernissaa, tassani annertuumik ilimanaateqarmat takornarianit isertittakkat amerlineqarsinnaasut. Tamatumunngali pisariaqarpoq mittarfinnut takinerusunut aningaasaliissuteqarnissaq, ilaatigut Ilulissani Nuummilu, timmisartunit akunnattumik angissusilinnit miffigineqarsinnaasunik, Naalakkersuisut isumaqarput.

Asiami ineriartornermut aningaaserivik

Qaammammi matumani siusinnerusukkut Asiami ineriartornermut aningaasaateqarfimmik pilersitsisoqarpoq, aallartinnermini 680 milliarder koruuninik aningaasaatilimmik. Piginneqataasut annerpaat tassaapput Kina, India Ruslandilu.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER