Skip to main content

Issittumi ambassadørit taarseraattut

Thomas Winkler issittumi ambassadørinngorpoq, issittumi ambassadøriusimasoq Hanne Fugl Eskjær Canadamut nuuppoq.

Danmarkimi Nunanut Allanut Ministereqarfiup ambassadørini taarsiguutsip­pai.

Aviisi Sermitsiaq taama allappoq.

Taamaasilluni manna tikillugu issittumi ambassadøriusimasoq Hanne Fugl Eskjær Canadami ambassadørinngorpoq, maanna Canadami ambassadøri siusinnerusukkullu Ruslandimi ambassadøriusimasoq Thomas Winkler Danmarkimut uterluni issittumi issittumi ambassadørinngorpoq.

Rusland ilisimalluarpaa

Thomas Winkler, 55-inik ukiulik, 1988-imi Københavns Universitetimit inatsisilerisuutut naammassisimavoq. Arlaleriarluni Rusland Europallu kangia suliffigisarsimavai, ilaatigut Moskvami Den Danske Ambassademi 1990-1992-imut allatsitut, kingornalu Danmarkip Kievimi aallartitaqarfiani sulilluni. 2013-imiit 2018-imut Ruslandimi ambassadøriuvoq, Canadami Ottawamut nuunnissami tungaanut.

– Ukiorpassuanngulersuni Issittumik suliaqarsimavunga. 2007-imi inatsisilerituuni suleqataavunga, taamani Rusland Qalasersuup ataani immap naqqanut erfalasuliimmat. Kingorna Tartupaluup aaqqiagiinngiissutigineqarnerani peqataavunga, taamanikkullu København Nuullu qanimut suleqatigiipput. Kiisalu ukiuni tallimani Ruslandimi, ukiorlu ataaseq Canadami, ambassadøritut sulisimavunga, soorunamilu issittoq imartusimaqaaq. Taamaattumik issittoq annertunerusumik sammerusuppara, sammillugu piffissap ingerlanerani pissanganannginnerulernavianngimmat, Thomas Winkler aviisimut Sermitsiamut oqarpoq.

Taassuma neriuutigaa Issittumi nunat tamalaat suleqatigiinnerannik nukittorsaaqataasinnaalluni, Naalagaaffeqatigiinnerullu ingerlalluarnissaa ineriartornissaalu qulakkeerlugu.

Aviisimi Sermitsiami atuarnerusinnaavutit. Aviisi uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER