Skip to main content

Issittoq: Rusland eqqakkanik atomitalinnik qalluiniartoq

Ruslandip pigisani tuusintinik arlalinnik amerlassusillit, qinngornernik ulorianartortallit issittup imartaanut kivisittarsimavai, ulorianarnerpaallu maanna piiarniarpai - taakkununnga ilanngullugit aqqartartut marluk.

Nunami maani Amerikamiut sakkutooqarfigisimasaanni qimaannagarpassuarnik saliisoqarnissaa ukiuni arlalinni oqallisaareersoq aamma politikkikkut akuliuttoqanngereersoq saliineq aallartinneqarpoq.

Ruslandimi avatangiisinut qanga mingutsitsisarsimaneq aamma isiginiarneqalersimavoq.

Ukiummi arfineq-pingasut tulliuttut ingerlaneranni aqqartartut marluk atomreaktorillu Barentip Imartaanut aamma Rsulandip Issittortaani Karahavetsimut kivisinneqarsimasut qaqinneqarnissaat pilersaarutigineqarpoq, tusagassiifik The Barents Observer allappoq.

Tamatumunnga pissutaavoq reaktoritoqqat aqqartartullu piffissaq ungasinnerusoq qaangiuppat annertuumik mingutsitsisinnaaneat.

Ruslanimi atomimik ingerlatseqatigiiffimmi Rosatomimi oqaaseqartartoq taamatut ilisimatitsivoq.

Pigisat qinngornernik ulorianartortallit 18.000-it missaannik amerlatigisut kivisinneqarsimasut

Sovjetunioniusimasup1960-ikkut 1980-ikkullu qiteqqunnerisa akornanni pigisani qinngornernik ulorianartortallit 18.000-it missaannik amerlassusillit imaanut kivisittarsimavai. Amerlanersaat avatangiisinut annikitsuinnaarmik mingutsitsissasut nalilerneqarsimavoq, piffissarli ungasinnerusoq eqqarsaatigalugu imaani avatangiisinut ulorianartorsiortitsilersinnaasutut nalilerneqarsimallutik.

Rosatomip pigisat arfnillit qinngornernik ulorianartunik mingutsitsinerpaasinnaasut qaqinniarlugit misilinniarpaa.

The Barent Observeri naapertorlugu, matumani pineqarput aqqartartut pingasut reaktoorii, sikumik aserorterutip reaktoorianut ikummatissaq kiisalu aqqartartut marluk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER