Issittoq pillugu Københavnimi festivaalertitsineq

Inuit ileqquusumik timersuutaanni finger pullimi kina nukittunerpaanersoq takuuk. Kalaallit Nunaanni Canadamilu nannut qanoq innersut tusakkit. Umiarsuarmut pingasunik napparutitalimmut, issittup imartaanit aatsaat tikittumut ikigit. Imalunniit kalaallit juullimut uummataasaliortaasiannik sanagit.

Taakkuupput Købehavnimi Nordatlantens Bryggeminovembarip aappaani pingajuanilu Issittoq pillugu Festivaalertitsinermi sammisassarpassuit ilamerngi.

Issittoq pillugu festivaalertitsinermi issittumi ilisimatusarneq kulturilu paasisassarsiorfigisinnaavatit. Festivaalertitsinermi oqalugiartut, workshoppertitsisut kulturimillu misigisassaqartitsisut akeqanngitsumik peqataaffigineqarsinnaapput.

Festivaalertitsinermi sammisassat ilaat silami ingerlanneqassapput, allat quersuatoqqami, ullumikkut ilaatigut Arktisk Institutip, Polarbibliotikkip, Københavns Universitets afdeling for Grønlandske og Arktiske Studierip kiisalu kulturikkut illorsuup Nordatlantens Bryggep najugaqarfigisaanni ingerlanneqassallutik.

Kalaallit Nunaat tamatigoortoq

Issttoq pillugu Festivaalertitsisoqarneranut aaqqissuisuupput angalatitseqatigiiffimmi Arctic Friendimi, Det Grønlandske Selskabimi, Grønlandske og Arktiske Studiermi kiisalu Nordatlantens Bryggemi inuit suliaqarusussuseqartut.

- Kalaallit Nunaat tusagassiortut isaannit taamaallaat isiginagu oqaluttuassarpassuaqarfiuvoq. Arktisk Festival Kalaallit Nunaat pillugu nutaanik allaanerusunillu ilisimasaqalernissamut paasisimasaqalernissamullu tunngavissiivoq. Oqaluttuarisaanermi ukiunik hunnorujunik arlalinnik pisoqaassusilik ataatsimoorluta atugaraarput. Oqaluttuarisaaneq, Københavnip immikkoortortaani matumani erseqqilluinnartoq, umiarsuimmi arfanniutit maanga talittarsimapput, arferullu orsuanik iginniliortarsimallutik, Kasper Trojlsgaard, Arctic Friendimi pisortaaneq piginnittorlu taamak oqarpoq.

Sammisassatut pilersaarut tamakkerlugu uani takusinnaavat.