Skip to main content

Issittoq pillugu KNR aallakaatitsissaaq

Naalagaaffik Danmark nunarsuup pissaaneqarfiata nutaartaani, Issittumi, aalajangeeqataasut ilagaat. Tamanna pillugu aallakaatitassiat pingasut KNR-ikkut takutinneqassapput


Tusagassiortup qallunaap Martin Breumip Issittoq pillugu aallakaatitassiaa KNR-imi takutinneqassaaq. Aallakaatitani pingasuusuni siulleq aqagu tallimanngornermi takutinneqassaaq. 

Rusland, Norge, Canada, USA kiisalu Danmarkip Issittoq pillugu sulinerat takuneqarsinnaavoq. Qallunaat naalagaaffiat nunarsuup pissaaneqarfiata nutaartaani aalajangeeqataasut ilagaat.

- Martin Breum Russit Norskillu Barentsip imartaani immakkut sorsuutinik sungiusartut peqataaffigai, Qallunaallu sakkutuui qalasersuarmut misissuiniarluni angalaqatigalugit. Angalanermini paasiniaaffigai USA-mi Canadamilu isornartorsiuisartut immikkullu ilisimasallit Qallunaat nunaanni tusarsaaneq ajortut, KNR tusagassiutinut nalunaarpoq. 

Aallakaatitassiat pingasuusut kalaallisut nutsigaapput, tassa tamatta Nunatsinni periarfissaqalerpugut isiginnaarsinnaanissaannut.

Aallakaatitat ulluni ukunani aallakaatinneqassapput:

  • ’Issittumi Martin Breum peqatigalugu: Qalasersuarmut tiguaajartorneq’ KNR1-mi takutinneqassaaq tallimanngorneq 7. november nal. 19.30. Aallakaateqqinneqassallunilu arfininngorneq 8. november nal. 21.30.
  • Sapaat 9. november nal. 19.30 takutinneqassaaq ’Issittumi Martin Breum peqatigalugu: Sikuerpat eqqissineqaannassanerpa?’. Aallakaateqqinneqarluni ataasinngorneq 10. november nal. 20.30.
  • Aallakaatitassiat naggataarutigissavaat ’Issittumi Martin Breum peqatigalugu: Kikkut saliissappat?’ marlunngorneq 11. november nal. 19.30. Aallakaateqqinneqassallunilu pingasunngorneq 12. november nal. 22.45.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER