Skip to main content

Issittoq pillugu ataatsimeersuarneq iluatsilluarpoq

Issittoq pilugu ataatsimeersuarnermi Arctic Circle-mi peqataanissamut soqutiginninneq aaqqissuussisunut qoqassiivoq Reykjavikimi ininik allanik attartortariaqarlutik

Ataatsimeersuarnermi Arctic Circlemi inuit 1000-t sinnillit nunanit 40-neersut peqataapput. Oqaloqatiginnittarfik nutaaq artukkerneqangajappoq, ininillu allanik attartortariaqarluni.
Arctic Circle-mik suliniuteqartut ilaasa Alice Rogoff-ip, Alaskameersup, oqaloqatiginnittarfik nutaaq suussuserseriarpaa oqarluni aaqqissuussineq tassaasoq nipilersornermik festivalip Woodstock-ip aamma Davos-imi World Economic Forum-ip akulerunnerigaat.
Aamma atuaruk: Issittoq aamma nunarsuarmut akisussaaffeqarpoq
Aamma atuaruk: Arctic Circle aallartippoq.
Islandimi illoqarfiit pingaarnersaanni ataatsimeersuarneq ima soqutigineqarsimatigaaq aaqqissuussisut tusarnaartitsisarfup Harpa-p avataani ininik attartortariaqarlutik, saqqummiussinernut ataatsimiinnernullu tamanut inissaqarumallutik.
– Immaqa tullianik Arctic Circlemut qaaqqusigutta peqqissaarnerusariaqarpugut. Uani pivara pilersaarusiornermut tunngasut, imarisaatigut unammilligassat pinnagit, Naalakkersuisunut siulittaasuusimasoq Kuupik Kleist, Arctic Circle-mi siulersuisunut ilaasortaq, oqarpoq.
Taassuma erseqqissarpaa tullianik ataatsimeersuarnissami sammisassanik toqqaanissaq qanikkaluartoq tamanna Arctic Circlep isumaanut naapertuutinngitsoq, tassa taanna tassaasussaammat ilisimatuussutsikkut, avatangiisitigut, suliffissuaqarnikkut inunnullu tunngasutigut soqutigisanik isummanik taarseeqatigiittarnissaq.
– Issittumi arlalippassuarnik akerleriittunik soqutigisaqartoqarpoq, tamannalu isiginiarneqassaaq. Tamakkua saqqummersikkusuppavut, oqaloqatiginnittarfillu una pitsaalluartuuvoq isummanik assigiinngitsunik atuiffissatut. Inuit suut tamaasa akimorlugit naapissinnaassapput, Kuupik Kleist oqarpoq nangillunilu:
– Takuarput ilisimatuut oqaloqatigiittut niuertullu aamma taamaasiorput, aammattaarli sammisat attaviillu akimorlugit oqaloqatigiittoqarpoq. Immaqa inatsisaatsoorpasippoq hippie-pasillunilu, naggataatigulli pineqarpoq qanoq iliorsinnaanissaq Issittumut iluaqutaasumik, Kuupik Kleist ataatsimeersuarnerup ulluata siulliup kingorna oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER