Issittoq aliasuttoq anniartorlu
Kiisami – taallat katersat nutaat Jessie Kleemannimit.
Arkhticós Dolorôs, taamatut ateqarpoq Jessie Kleemannip taalliaanik saqqummersitaq nutaaq, taannalu Danmarkimi tusagassiorfinnit nersorluarneqareeqaaq.
Pisariaqarmammi!
Kleemann performancemik eqqumiitsuliortutut qangarsuarli nunani tamalaani tusaamaneqalernikuuvoq, siunersissaanngitsulli pissutigalugit 1997-imi torrallatami Taallat – Digte – Poems saqqummersinneqarnerata kingorna taallanik katersanik saqqummersitseqqissimanngilaq. Kleemann allattuaannartuuvoq, taalliaalu nunani tamalaani taallianik katersanik saqqummersitani arlalinni ilaasarput. Filmiliornermi ilitsersuisut aamma taalliai filmiliaminni atortarsimavaat: Ivalo Frankip Killerbirdimi (2015-imeersumi) Diego Barrazallu Arctic Achemi (2014-imeersumi). Jessie Kleemannip nittartagaani malinnaagit, taallianik, assinik, videolianik performancenillu nutaanik takkuttoqartuaannarpoq.
Kleemann tamatigut nunat tamalaat oqaasii atorlugit sulisarpoq. Aallaqqaammut oqaatsit pissusissamisut immikkoortinneqartarsimapput, taamaalilluni taalliaq nunat allamiut oqaasiinut nutsigaasarluni. Taamaakkunnaarpoq. Maanna oqaatsit akulerullugit atortalerpai:
En ny lyd a new sound
dronen er her
en blå lyd min røde kind
kina oqarpa disglossary
Naliliisimaneq tamaat aviisimi AG-mi sapaatip-akunnerani matumani saqqummersumi atuaruk, ugguuna iserfigisinnaavat: