Skip to main content

Isornartorsiuisoqareersoq: Nalunaarusiaq atuarniarisiuk

Hans Meltofte Aarhus Universitetimeersup oqaatigaa nalunaarusialiani atuarluarneqarnissaa pingaartippaa, oqaaseqarfiginnginnerani kukkusumik tunngavilimmik oqallittoqannginniassammat

Aviisimi Politikenimi allaaserisami qulequtaqartoq 'Kalaallit Nunaat pinngortitamik atuipilunnerarlugu isornartorsiorneqartoq' saqqummersinneqarpoq, taannalu pillugu nittartakkami isummersortoqangaatsiarluni. 

Nunani soorlu Ruslandimi, Canadami USA-milu pingaartumik timmissanik miluumasunillu pisaqarpallaartarnerit aqunneqangajalersut Kalaallit Nunaat nunarsuup immikkoortuani ajortuliortuuvoq, aviisi allappoq.

Aviisimi saqqummersartumi Politikenimi ilaatigut allaaserineqarpoq nunanit tamalaanit nalunaarusiarineqartumi Kalaallit Nunaat Issittumi piniapiluttoqartartoq atuarneqarsinnaavoq. 

 

Tamaani uumasut soorlu aarrit, appat qasigissallu ukiut qulikkaat ingerlanerini ikileriarujussuarsimapput, kalaallillu politikeriisa ajornartorsiutip iliuuseqarfiginissaa pinaaserfigaat.

Nutaarsiassami 'Kalaallit Nunaat Issittumi piniapiluttutut pasillerneqarpoq' atuartartunit 100-t missaanniittunit isummersorfigineqarpoq. 

Nalunaarusiaq atuarneqanngingajattoq
Kukkusumik tunngavilimmik isummersortoqannginnissaa anguniarlugu Hans Meltoftep nalunaarusiani atuarneqassasoq neriuutigaa. 

- Nittartakkami inuit isummersornerat malinnaaffigaara, nuannaarutigaaralu inuit taama amerlatsigisut soqutiginnissimammata. Nalunaarusiarli atuarneqarpiarsimanngitsoq isummersortuni takusinnaavara, Hans Meltofte Sermitsiaq.AG-mut oqarpoq.

- Nalunaarusiami suliagut takuneqarsinnaapput, tassani Kalaallit Nunaanni aalisarnermi piniarnermilu misissuigatta. Siunersuutigiinnassavara (paasissutissat sungaartumiipput - tuluttuinnaq allaqqavoq) atuarneqarnissaat, Hans Meltofte oqarpoq nangillunilu:

- Uani kisimi aalisarneq piniarnerlu sammineqartut oqaatigissavara. Imaassinnaasoq arlaannik ilanngutassaasinnaasunik puigugaqarsimasunga, kisianni ilanngunneqarsinnaasut tamaasa ilanngunniarsimavakka. 

Nalunaarusiaq atuarneqarnissaa pingaarpoq
Nalunaarusiami allaaserisami sammineqartut imminnut ataqatigiinngissinnaanerat mianersoqqutigineqarpoq. 

- Nalunaarusiap ataqatigiinnera tamaat paasissagaanni nalunaarusiaq tamaat atuassallugu pingaaruteqarpoq. Nalunaarusiaq tuluttuinnaq sananeqarpoq, neriuutigaarali kalaallisuunngortinneqarumaartoq, taamaasilluni oqallinnerit tunngaveqarluartumik ingerlanneqarniassammata, Hans Meltofte oqarpoq.

Avatangiisinut pinngortitamullu naalakkersuisoq Kim Kielsen Siumut nalunaarusiamut qisuariaataa 'Pinngortitamik atuipiluttoqarneranik oqaluttoqarnera Kim Kielsenip isumaqatiginngilaa' aamma atuarneqarsinnaavoq. 

Nalunaarusiaq tamaat uani atuarneqarsinnaavoq - nalunaarusiaq tuluttuinnaq allaqqavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER