Skip to main content

Isornartorsiuinerit Naalakkersuisunit soqutigineqanngitsut

Naalakkersuisut Kuannersuarni aatsitassarsiornissaq pillugu innuttaasunik ataatsimiisitsinissamut ullumi aallartinneqartussamut peqataaniannginnerat arlalinnit isornartorsiorneqarpoq. Isornartorsiuinerilli Naalakkersuisut ilaannit soqutigineqanngillat.

Innuttaasunik ataatsimiisitsinissat arfineq-marluusut siullersaat unnummu Narsarsuarmi aallatinneqarpat politikkerinik peqataasoqassanngilaq. 

Suliffeqarnermut Naalakkersuisup Jess Svanep (S) tamanna ajornartorsiutaannginnerarpaa. 

- Piffissami aggersumi innuttaasunik ataatsimiisitsinissat Naalakkersuisunit peqataaffigineqartussat pillugit nutaanik pilersaarusiortoqarniarpoq. Tassa innuttaasunik peqataatitsinnginnerunissaq pineqanngilaq – nalinginnaasumulli sanilliullugu innuttaasunik peqataatitsinerunissaq pineqarluni, tamanna suliniummut taamatut angitigisumut atatillugu pingaaruteqarpoqt.

Piffssamik atuilussiinnarneruneraanermut isumaqataanngitsoq

Aatsitassanut Naalakkersuisup Jens-Frederik Nielsenip (D) isornartorsiuisut Naalakkersuisut peqataanngippata innuttaasunik ataatsimiisisitsinnissat piffissamik atuilussiinnartoqarnissaanik oqaaseqarnerat isumaqatiginngilaa. 

- Isumaqarpunga taamaanngitsoq. Innuttaasut apeqqutissaminnik apeqquteqarnissaannut periarfissaavoq. Siusinnerusukkut nalunaarutigineqareersutut, tamanna "aallarniutaaginnarpoq". Kingusinnerusukkut politikkerit peqataaffigisassaannik innuttaasunik ataatsimiisitsinissaq pilersaarusiorneqarpoq, taanna oqarpoq.

Jess Svanep erseqqissaassutigaa, tusarniaanerup sivitsorneqarnera aamma kingusinnerusukkut immikkut ittunik innuttaasunik ataatsimiisitsinissat, suliap ingerlanneqarneranik isornartorsiuinerpassuit naaperiarneqarnissaannut alloriarnerusoq oqaatigaa. 

Tusaaniarnissamut piffissaqarluarneq

- Sapaatip akunnerini kingullerni oqallittoqarnerata takutippaa, innuttaasut ernumassutaannik tusaaniarnissamut, suliniut pillugu nassuiaateqarlunilu apeqqutinut akissuteqarnissamut piffissaqarluartariaqartoq. Naalakkersuisut peqataanissaat innuttaasunut pingaaruteqartoq paasilluarsinnaavara. Aamma Naalakkersuisut Kommuni Kujallermi najugqarfinnut amerlanerpaanut tikittarnissaat pingaaruteqartutut isigaara.    

Peatigiiffimmit Urani Naamimit siusinnerusukkut ernummatigalugu oqaatigineqarsimavoq, Greenland Mineralsip suliniut pissusiviusunut sanilliullugu ajoqusiinnginnerusussatut saqqummiussimagaa. Naalakkersuisulli erseqqissaassutigaa taamaattoqanngitsoq.

- Greenland Minerals arlaatigulluunniit kusassaasinnaanngilaq, oqartussat peqataatinneqarnerat pissutigalugu, Jens-Frederik Nielsen qulakkeerinnippoq. 

Siunertaq pingaarutilik

- Tusarniaanermut atatillugu ataatsimiisitsinissamut siunertaq pingaarutilipilussuaq tassaavoq, suliniutip avatangiisinut sunniutissai pillugit paasissutissanik ajornanngitsumik pissarsisinnaanerup saniatigut eqqortumik paasissutissanillu eqqortunik tunngaveqarluni paasissutissiinissap qulakkeerneqarnissaa. Tusarniaanermut atatillugu maanna ataatsimiisitsinissani tamannarpiaq qitiutinneqarniarpoq. Ilisimatuussutsikku avartangiisinut tunngatillugu ilisimasallit arlaannaannulluunniit attuumassuteqanngitsut avatangiisinut sunniutissat pillugi naassuiaassuteqarsinnaallutillu innuttaasut ernumassutigisaannut apeqqutigisaannullu akissuteqarsinnaapput, Jess Svane oqarpoq. 

Tusarniaaneq juunip aallaqqaataata tungaanut sivitsorneqarsimavoq, taamaammat ullup pineqartup tungaanut tusarniaanermut allakkatigut akissutinik suli nassiussisoqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER