Skip to main content

Isornartorsiuineq maanna Aleqap akissuteqarfigaa

Sapaatit akunnerini arlalinni nipangersimareerluni Naalakkersuisut siulittaasuat Aleqa Hammond maanna tutsaqarpoq. Tamanna pivoq tusagassiorfinnut nalunaarutikkut naatsukkut

– Naalakkersuisut inatsisit malillugit sulipput.
Naalakkersuisunut siulittaasuulluni sapaatit akunnerini arlalinni tusagassiorfinnit pisimasut arlallit pillugit oqaaseqartinneqarniaraluarluni nipangersimareerluni taama naatsigisumik oqaatigineqarsinnaavoq.
Ataaseq inatsiseqarnermut pisortap Andreas Salmonyp soraarsinneqarnera pillugu, taanna soraarsitaasimammat pissutigalugu Julie Rademacherip Aleqa Hammondip tusagassiorfinnut siunnersuisuatut atorfininneranut atatillugu aviisip AG--p suliamut takunnissinnaanermik qinnuteqaataanut atatillugu inatsit malikkusummagu.
Aappaa tassaavoq Vittus Qujaukitsup Siumumi parteeqamminik Per Berthelsenimik saassussinera pillugu.
Ilanngullugulu naalakkersuisoqarfimmi pisortap Jan H. Lynge Petersenip soraarsinneqarnera pillugu, tamatumani Naalakkersuisut siulittaasuat Aleqa Hammond manna tikillugu suli oqaaseqarusussimanani.
Maannali akissuteqarpoq tusagassiorfinnut naatsumik nalunaarutikkut, tassani allalluni:
– Piffissami kingullermi inunnut tunngasunik tusagassiorfiit samminninnerat tunuliaqutaralugu uannut pingaaruteqarpoq erseqqissassallugu Naalakkersuisut politikkimik sulinerminni malittarisassat, periutsit inatsisillu atuuttut atorlugit ingerlatsimmata. Naalakkersuisutut soorunami allat tamaasa assigalugit nunap inatsisai malissavagut, Aleqa Hammond allappoq.
Tamatuma saniatigut erseqqissarpaa inuit ataasiakkaat, sulisut ataasiakkaat imaluunniit sulisuusimasut pillugit oqaaseqarniarani.
Aamma atuaruk: - Oqaaseqaraangatta pitsaavallaarneq ajorpoq
Aamma atuaruk: Inatsiseqarnermut pisortaq sooq soraarsinneqartoq AG-p paasivaa
Aamma atuaruk: Naalakkersuisutillu tunuaritsi, Aleqa
Aamma atuaruk: Vittup soraarsitsinera akiniaanerinnaviua
Aamma atuaruk: Vittus apersorneqarumanngilaq
– Tamanna pivoq inuit ataasiakkaat Namminersorlutillu Oqartussat ataqqillugit. Naalakkersuisut politikkikkut sulinerminni nunami innuttaasut tamarmik atugassarisaasa siuarsarnissaat sulissutigaat. Taamaattumik matumuuna erseqqissassavara sulisunut tunngasut tusagassiorfitsigut oqaluuseriumannginnakkit.
Taamatupajaaq sapaatip akunnerani kingullermi nalunaaruteqarpoq naalakkersuisoqarfimmi pisortaq Svend Hardenberg.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER