Kiffartuussinissamut isumaqatigiissut
Isorinnittup kiffartuussinissamut isumaqatigiissutit akisussaaffigilera
Angallannermut isumaqatigiissut IA-kkuunniit isornartorsiorneqartarsimasoq Múte B. Egedep akisussaaffik tigummagu Qaqortumi akunnittarfiutilik Jim Riisip ammanerusumik akisussaaffeqarnerusumillu sulisoqassasoq neriuutigaa.Naalakkersuisunngortoq avannaani kujataanilu angallannermik isumaqatigiissutit tusarniaavigiartorlugit
Múte B. Egede qaammatini tulliuttuni sammisassaaleqinavianngilaq.
Aatsitassanut, kommuninut, nunaqarfinnut, isorliunerusunut, attaveqarnermut ineqarnermullu naalakkersuisutut akisussaasutut suliassaaleqinavianngilaq. Maannalu kiffartuussinissamut isumaqatigiissutit tigusussanngormagit pissanganassaaq malinnaaffigissallugu, tassami isumaqatigiissutinik isornartorsiuinerpaat ilagisimavaat.
Kiffartuussinissamut isumaqatigiissutit 2016-imi upernaakkut Inatsisartuni oqaluppoq innuttaasut piumasaqaataat naammassineqarsimanngitsut. Maannalu tamanna akisussaaffigileramiuk tamanna qanoq igaa?
– Akisussaaffeqarfik tamanna oqallisigineqartorujussuuvoq, qaammatinilu tulliuttuni pingasuni tamassuma suliarinissaanut
piareersimavunga, Múte B. Egede Sermitsiamut oqarpoq.
Qeqertarsuarmut
Qeqertarsuarnut angalanissani pilersaarusioreernikuuvaa kujataanulli angalanissani eqqarsaatigalugu.
Kujataanut angalasinnaanissara maanna misissorneqarpoq, Kujataanili angallassinerup qanoq ittuunera nammineq misigisimavara, juullisioreerlunga Nuummut uternialerama, naalakkersuisoq allappoq.
Akunnittarfiulitik pakatseqqavoq
Qaqortumi akunnittarfimmik piginnittup Jim Riisip ilorraap tungaanut allanngortitsisoqarnissaa upperiunnaariartorpaa.
– Maani ilatsiinnangajalerpugut. Akerliliinerpassuaqaraluartoq pitsanngoriaatit annikitsuinnaasimapput.
Qularutissaanngilaq ukiut nikinnerannit angallassineq ajorseriarsimasoq. Disko Line isornartorsiutit aaqqinniarlugit sapinngisaminik iliorniarsarivoq.
Pissusiviusulli tassaapput namminersorlutik oqartussat kukkusumik isumaqatigiissuteqarsimasut. Maannalu iluarsiiniartoqarpoq annikitsumik pitsanngorsaaniarnikkut. Paasisinnaanngilluinnarpara 1980-ikkunni kiffartuussinermut uteriarnissarput, taamanikkut angallatit sukkaatsut atorneqarfiannut. Isumaqarpunga isumaqatigiissut manna Disko Linemut naamassiniassallugu annertuallaartoq, Jim Riis oqarpoq, neriuutigaali Múte B. Egede Kujataanut angalanissaminut piffissaqassasoq, innuttaasut oqaloqatigiartorlugit misilittagaallu tusaaniarlugit.
Allaaserisaq Sermitsiami kingullermi saqqummertumi atuarsinnaavat