Aalisarneq

Islandip Savalimmiullu aalisarnikkut aaqqiagiinngissuteqarsinnaanerat pinngitsoortinneqarpoq

Island Savalimmiullu aalisarnikkut ukiumi matumani atuuttussamik isumaqatigiissuteqarput. Isumaqatigiissut pitsaanerusimasinnaagaluartoq aalisarnermik naalakkersuisup Høgni Hoydalip (T) neriuutigisimagaluarpaa

Islandi aamma Savalimmiut ammassaat pillugit isumaqatigiinngissuteqarlutik 2018 aallartippaat. Apriilip 30-ata tungaanut atuuttumik isumaqatigiissut aaqqiagiinngissuteqartoqarpoq. Isumaqatigiissut atorunnaarsinneqarpoq, pisassiissutinillu aamma isumaqatigiinngissuteqartoqarluni.

Isumaqatigiinngissuteqartoqarnerali taamaatippoq. Nunat taakku marluk isumaqatigiissummik atsioqatigiipput ippassaq marlunngormat. Taamaasilluni Savalimmiormiut Islandip eqqaani ammassanniaqqissinnaanngorput.

- Isumaqatigiinngitsupilussuuvugut juullilersoq. Isumaqatigiissummi pingaarnerpaavoq Savalimmiormiut Islandip imartaani aalisaqqilernissaat, Høgni Hoydal Kringvarp Føroyamut oqarpoq.

Ammassanniarneq
Nunat isumaqatigiissutaat nutarterneqalaarpoq. Pitsaanerusumik isumaqatigiissusiortoqarnissaa Savalimmiormiunit pingaartinneqarpoq, tassani ammassannik nioqquteqartarneq annertusarneqarnerorusummat - nerukkaatissanit akisunerunera pissutaalluni.

Ammassaat tunisassiarineqartarnerannut tunngatillugu Islandip piumasaqaateqarujussuarnerat Høgni Hoydalip pakatsissutigaa.

Nutaamik isumaqatigiissusiortoqangajalerpoq. Tassani aalisarnermut piumasaqaatit, septembarip aallaqqaataani isumaqatiginninniutigineqareertussaq, isumaqatiginninniutigineqassaaq.

- Isumaqatigiissut killilersuinermik imaqassaaq. Ukiuni qulini isumaqatigiinngissutaasimasut isumaqatiginninniutigineqartussanngorput, taamaattumik oqaloqatigiinnerit ajornarnavianngitsut naatsorsuutiginngilara, Høgni Hoydal oqarpoq.

Powered by Labrador CMS