Skip to main content

Islandimiut Ittoqqortoormiini skak-imik festivalertitsisut

Islandimiut skakklub-iat poorskikkunni Ittoqqortoormiiniippoq. Illoqarfimmiut meerartaasa inuusuttortaasalu ilaatigut islandimiut skakklub-iata præsidentia Hrafn Jökulsson unammivaat

Ittoqqortoormiini poorskimi skakfestivalertoqarnissaanut kissassaatigut illoqarfimmiut meerartaasa inuussuttortaasalu islandimiu skak-illammak Hrafn, imaluunniit Kalaallit Nunaanni taaneqartarneratut Tulugaq, unammisinnaasimavaat.

Unamminermut atatillugu Tulukkap kalaallit inuusuttut unammisani nersualaarpai:

– Meeqqanik Ittoqqortoormiinik Kalaallit Nunaanni skak-illaqqitsigisoqanngilaq. Maanga tikeqqinneq ikinngutillu qanorluunniit ukiullit naapeqqinnerat nuanneqaaq.

Mesterip inuusuttoq neriunaatilik naligiiginnarfigaa

Aallarnisaataasumik unamminermi eqqarsaatigineqarsinnaanngingajattorluunniit pivoq, Johnny Napaattuup Tuluaq unammigamiuk naligiiginnarfigigamiuk.

Islandimiut klubbiat Nunatsinni qanimut attavilik

Islandimiut skak-ernermik klubbiat Hrókurinn 2003-miilli Kalaallit Nunaannut skak-eriartalerpoq, skak-ertartullu klubbiat 50-eriangajalluni Nunatsinnut angalasarsimavoq. Aliikkutamik peqqinnartumik ineriartornartumillu, skak-ernermik ilinniartitsineq siunertaaginnanngilaq, aammattaarli siunertaalluni nunat sanileriit Islandip Kalaallit Nunaatalu attaveqarnerisa annertusarnissaa, sapinngisamillu amerlanerpaatiguty suleqatigiinnerup annertusarnissaa.

Maanna ukiuni qulinngortuni Ittoqqortoormiini poorskikkunni festivalertoqartarsimalerpoq, Sermersuup Kommunianit aningaasaliisunillu arlalinnit tapersersorneqartumik. Sulisut piumassutsiminnik sulipput.

Ittoqqortoormiini skak-ernermik festivali poorski naallugu ingerlanneqassaaq. Tallimanngornermi tannaartumi poorskip manniinik naapeqatigiinneq pivoq, tamatumani illoqarfiup meerartai tamarmik poorskip mannianik agguarneqarlutik akissarsisinneqarlutillu. Arfininngornermi illoqarfimmi skak-imik unammersuartitsisoqassaaq, ataasinngorpallu ´Islandip Kalaallit Nunaatalu Ikinngutigiittut Ulluat´ nalliussineqassaaq.

Ittoqqortoormiini skak-ernermik festivalimik ingerlatsisuupput Sermersuup Kommunia, Norlandair, TELEPOST, Flugfélag Íslands-Air Iceland, islandimilu ingerlatsiviit amerlasuut, akissarsiassanik tunissutissanillu tunisisut.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER