Skip to main content

Islandimiut Arctic Prime Fisheriesimut 633 mio. koruuninik aningaasaliissuteqartut

Islandimi aalisariutileqatigiiffik Brim Kujataani Arctic Prime Fisheriesimut 85 mio. euronik, 633 mio. koruunit nalingannik aningaasaliissuteqarnermigut piginneqataalerpoq. Aningaasaliissuteqarnermi, piginneqataassutinik pisiaqartoqarlunilu umiarsuit atortussaannik tuniniaasinnaanngortoqarpoq.

Brimip siulersuisui sisamanngormat aalajangersimapput, Arctic Prime Fisheriesimut aningaasaliissuteqarniarlutik.

85 millioner euronik aningaasaliissuteqarsimavoq, taalli piginneqataassutinik pisiaqarnermut, aningaasaliissuteqarnermut umiarsuarmilu atortussanik tuniniaasinnaanermut agguataaneqarsimapput.

Arctic Prime Fisheries taamaalilluni 2019-imi aningaasatigut ilungersunartorsiorsimasoq pisariaqartilluinnakkaminik aningasaliiffigineqarpoq. Ingerlatseqatigiiffik 2019-imi 20 millioner koruuninik amigartooruteqarsimavoq, tamatumalu saniatigut nammineq aningaasaatai minus 168 millioner koruuniusimallutik.

Brimimi nalunaarut naapertorlugu, ingerlatseqatigiiffiup Kalaallit Nunaanni immikkoortortaqarfia aqqutigalugu aningaasaliissuteqartoqarsimavoq, Brimilu taamaalilluni Arctic Prime Fisheriesip 16,5 procentianik piginneqataalersimalluni.

Islandimi ingerlatseqatigiiffik alla - Útgerðarfélag Reykjavíkur - 16,5 procentimik aamma piginneqataavoq, nalunaarummi ilisimatitsissutigineqarpoq.

Kilisaammik qerititsivittalimmik pisiaqarsimasoq

Arctic Prime Fisheries niueqateqarnerminut atatillugu kilisaat qerititsivittalik Ilivileq Brimimit pisiarisimavaa.

Brim naapertorlugu aningaasaliissuteqarnermi ilaatigut anguniarneqarput, ingerlatseqatigiiffiup ingerlatsinermi tunngavianik annertusaanissaq aamma aalisarnermi suleqatigiinnerup pitsanngorsaavigineqarnissaa kiisalu aalisakkanik suliareriikkanik tunisassiornissamut teknikkikkut atortunik pitsaalluinnartuinik inerisaanissaq.

Brimip siulersuisuini siulittaasoq Kristján Davíðsson, aningaasaliissuteqarneq pillugu oqarpoq:

- Isumaqarpugut Kalaallit Nunaata kitaata kujataani Tunumilu qalerualinnik tunisassiornerup inerisarneqarnissaanut periarfissanik atuilluarniarluni kalaallinik suleqateqalernikkut Brim naleqarneulissasoq.

- Brimimi APF-imilu sulisut ilisimasaat misilittagaallu nunat taakku marluk atlantikup avannaaniittut aalisarnikkut suleqatigiinnerulernissaannut aalisarnermillu pitsanngorsaanissamut tunngavissaalluartut, Kristján Davíðsson oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER