Islandimi timmisartuutileqatigiiffik soraarsitsiortortoq
Islandimi timmisartuutileqatigiiffiup Wow Airip sulisuminit 111-it soraarseqqammerpai timmisartuutinilu affaannanngorlugit ikilillugit.
Annonse
Islandimi timmisartuutileqatigiiffik akikitsoq, WOW air, akiliisinnaassuseqarumalluni ulluni makkunani sapaatit akunnernilu kingullerni ilungersuleruttorpoq, nittartagaq timmisartornermut tunngasunik nutaarsiassiisartoq check-in.dk taama allappoq.
Amerikami aningaasaliisartoq Indigo Partnesip timmisartuutileqatigiiffimmut aalajangernissaata utaqqinerani, sulisut timmisartullu atorneqartut ikilisinnissaat pisariaqalersimavoq, nittartagaq online-magasinet allappoq.
Sulisut 111-it sisamanngormat soraarsinneqarsimapput, maannalu sulisorineqartut 1.000 missaanniilerlutik. Timmisartullu 20-iusut aqqaniliinnanngortinnissaat aamma sulissutigineqarpoq. Suliffeqarfik timmisartut allanut tuniniarnissaannut isumaqatiginninnialeruttorpoq.