Islandimi timmisartortitseqatigiiffimmik akikitsumik pilersitseqqaanniuunneq
Aningaasaliisartut assigiingitsut marluk - Amerikamiut Europamiullu - WOW Air qaammatit sisamat matuma siorna aningaasatigut ajutoornerata kingorna timmisartortitseqatigiiffimmik akikitsumik nutaamik pilersitsinissaminnut siulliunniuppasipput.
Islandimiut tusagassiorfiat Fréttablaðið pilersaarutit pillugit taama allapput, pilersaarutini timmisartortitseqatigiiffimmik akikitsumik Ryan Air-imik pilersitsinikup angutip pania akuuvoq.
Tusagassiorfiit malillugit Amerikamiut aningaasaliissuteqartartut WOW Air-ip akilersinnaajunnaagaannik pisisimapput, Islandimilu oqartussat isumaqatigiinniaqatigaat. Pilersaarut tassaavoq timmisartortitseqatigiiffimmik akikitsumik WOW Air-ituut Islandip Europallu aamma USA-p akornanni angallassisartumik pilersitsinissaq.
WAB Air
Europamiut aningaassaliissuteqartartut ilaat taassapput Irlandimeersoq aningaasaliisarfik Avianta Capital Islandimeersullu sisamat, taakkunani marluk Wow Air-imi pisortaanikuusimapput. Avianta Capital Aislinn Whittley-Ryanimit pigineqarpoq, Michael Ryanip Ryan Air-imit pilersitseqataasup pania.
Islandimi tusagassiorfik malillugu Europamiut timmisartortitseqatigiiffittaassaq WAB Air-imik (We Are Back, red.) atsersimavaat, Islandimilu aningaaseriviit 31 mio. dollarinik taarsigassarsiniarlutik attavigisimavaat, aningaasaliissuteqartartorlu Ryan 40 mio. dollarinik timmisartortitseqatigiiffittaassamut aningaasaliissuteqarusussimavoq.
Attuumassuteqanngitsut
Fréttablaðið malillugu aningaasaliissuteqartartut taakkua marluk imminnut attuumassuteqarfiginngillat, Islandimilu pilersitsinissamut siulliunniuppasipput.