Islandimi savat ikiliartupiloortut
Islandimi savat ukiumiit ukiumut ikiliartuinnavipput. Ullumikkut savat amerlassusaat 1861-imisulli amerlatigilersimapput.
Islandimiut atueriaasiisa allanngorsimanerisigut, islandimiut kukkukuuarartornerulersimallutillu puulukiminertornerulersimanerisa kingunerannik savat ukiumiit ukiumut ikiliartulersimapput, Islandimi nunalerinermut ministeeriaqarfiup paasissutissaatai malillugit tusagassiorfifik Bændablaðið nalunaaruteqarpoq.
2020-mi savat 400.724-usut nalunaarsorneqarsimapput, ukiup siuliani 415.847-simallutik, tassa 3,63 procentinik ikinnerulersimapput.
Ukioq amerlanerpaaffiat
1977-imi savat amerlanerpaagamik 896.000-iusimapput.
Savaateqarneq ukiorpassuani nappaalasoqartarneranik, innermik anitsisoqartarneranik issilluinnartarneranillu sunnerneqartarsimavoq. Maannali savat ikiliartornerannut pissutaapput savaateqarnermi aningaasaqarneup allanngorsimaneranut peqatigitillugu atuisartut savaaqqat neqaannik nerisaqarnissamut soqutiginnikkunnaarsimanerat.