pilluaritsi
Islandimi ilinniarnertik naammassigaat
Ilinniarnerminnik naammassisaqartut Nanortalimmeersuupput, taakkulu ilinniarsimanermut uppernarsaat sisamanngornermi tiguaat
Ilinniakkaminnik naammasserlaat tassaapput Lasse Abelsen, Angutivik Simonsen aamma Marius Simonsen, tamarmik Nanortalimmeersut. Taakku ilinniartut qaammatit marlungajaat ingerlaneranni Grindavikimi aalisakkanut ilisimatusarsimapput aamma aalisakkat pitsaassussaasa qaffassarnissaat ilanngullugu.
Ilinniagartik naammassigamikku ilinniarsimanermut uppernarsaatitik sisamanngornermi tiguaat, Arctic Prime Fisheries ilisimatitsivoq.
Suliffissuaqarnermut nutaaliornermullu ministeri, Thorgerður Katrín Gunnarsdóttir, ministeriami nalliuttorsiorpaluttumik uppernarsaatinik tunniussisuuvoq, aamma Arctic Prime Fisheriesip siulersuisuini siulittaasoq, Guðmundur Kristjansson, suliffeqarfik sinnerlugu tunissuteqarpoq.
Ilinniakkamik naammassinnittut ulluinnarni Arctic Prime Fisheriesimi sulisuupput, siunissamilu suliassaasa ilagilissavaat saarulliit tarajortikkat pitsaassusaanik nakkutiginninneq qaffassaanerlu. Arctic Prime Fisheriesip Nanortalimmi suliffissuaataa tarajortikkanik nunanut assigiinngitsunut tunisassiorluni ingerlatsivoq.