Skip to main content

Islandermiut Nuummi skakkernermik unammisitsissapput

Skakkimik unammersuaarnissaq pingasunngornermi ingerlanneqarnissaa aaqqissuisunit neriuutigineqarpoq

Allaaserineqartoq nalunaaqutaq 17.55 nutarterneqarpoq

Skakkimik unammititsineq Nuummi marlunngornermi ingerlanneqartussaagaluaq sisamanngornermut nuutsinneqarpoq silap peqqutigisaanik aaqqissuisut tikinngittoornerat pissutigalugu. 

Hrókurinnip atuarfiit, meeqqeriviit meeqqanullu ingerlatsiviit pulaarniapai ataatsimut skakkertitsillutik Nuuk Centerimilu unammiaartitsillutik. Meeqqanut inuusuttunullu tunissutissanik nassarniarput, Hrókurinn nalunaarpoq. 

2003-miillu Hrókurinn Kalaallit Nunaanni skakkernermik siuarsaavoq nunarsuaq tamakkerlugu skakkimik unammiuaarneq siulleq 2003-mi Qaqortumi ingerlallugu. 

Kingorna Hrókurinnermiut 40-t missaanni nunatsinnukartarput. Arlaleriarlutik Tunumi illoqarfiit nunaqarfiillu tamaasa tikeraarsimavaat Upernaviliarlutik arlaleriarlutillu Nuummi skakkimik pikialaartitsillutik. 

Hrókurinnip nunatsinni meerarpassuit, inuusuttut, atuarfiit, meeqqat angerlarsimaffii skakkimillu peqatigiiffiit skakkerutinik tunissuteqarfigisarsimavai kiisalu skakkimik ilitsersuummik kalaallisut oqaasertalimmik suliaqarluni. Hrókurinnip sulinermini siunertaraa Kalaallit Nunaata Islandillu akornanni ikinngutigiinnerup suleqatigiinnerullu nukittorsarlugulu annertusarnissaa. 

Hrókurinnip siukittaasua Hrafn/Tulugaq Jökulsson, siulittaasup tullia skakmesteriullunilu skakkimik unamminermi dommeriusartoq Róbert Lagermann kiisalu skakkimik ilinniartitsisoq Tómas Veigar Sigurdarson.

Nuummi skakkertartut peqatigiiffiat Nuummilu ikinngutit pikialaartitsinissami piareersaaqataapput sisamanngornermit arfininngorneq ilanngullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER