VM-imut anngunniunneq
Island VM-ertoqarnissaanut piareersartut
Island ullumi aasamut Ruslandimi isikkamik arsaalluni VM-ertoqarnissaanut toqqaannartumik anngussinnaavoq.
Atlantikup imartaaninngaanneersut isikkamik arsaannermik, ukiut marluk matuma siorna EM-ertoqarnerani takutitsilluaqisut, tiguarneqarsimapput.
Unammisassat akioruminartut
Unammisartoqatigiit arsaattarfimminni Kosovo ajugaassapput, Kosovo'lli unamminerni qulingiluani ataasiinnarmik pointimik pissarsisimammata unamminissaq ajornanngitsuaqqatut ippoq.
Naligiinnerlu aamma naammassangaluarpoq, taamaattoqassappalli Ukraine Kroatiallu unamminerat apeqqutaalissaaq, taakku tamarmik Islandimut pointinik marlunnik ikinnerussuteqarput.
Islandimiut isikkamik arsaattartui ajugaangaluarunik toqqaannartumik VM-ertoqarnissaanut anngutissapput, taamaasillutillu Danmarkituulli marloriarlutik playoff-imik unammeqqaartariaqaratik.
Skærmerujussuakkut
Unamminissap soqutigineqarnerujussua – arsaattarfimmi inissat tamakkerlutik tunineqarsimaneri – pissutigalugu, Laugardalur Stadium'ip silataani skærmerujussuarmik ikkussisoqarsimavoq.