Island Issittumi amerlanerusunik umiarsuaqartalernissaanut umiarsualiviliortoq

Nutaamik terminalersualiornikkut siunissami issittumi umiarsuarnik angallaffinni Island qitiusumik aqqusaartarfinngussaaq

Islandimi containerinut umiarsualivittaassamut pilersaarutit anguniagaqarluartuupput. Talittarfia 6 kilometerinik takitigilersinnaavoq, suliffissuaqarfimmut inissaqarpoq, taannalu SAR-imut centerissatut naleqqulluartuuvoq

Asiap Europallu akornanni Sibiriap sineriaa atuarlugu avannamut kangimut umiarsuit angalaffiat ammangajalereerpoq, ukiullu qulikkaat ikittut ingerlaneranni nunarsuup kissatsikkiartornera qularnanngitsumik ima sualutsigilersimassaaq umiarsuarsuit containerinik assartuutit Qalasersuaq aqqusaarlugu Ishavet-ikkut angalasinnaalissallutik.

Nunarsuup kissatsikkiartornera nunavissuillu akornanni angallasseriaaseq nutaaq pissutigalugit Island kaaviiaartitassanik suliffissanillu takunnippoq: Issittumi containerinik assartuineq pisalissaaq umiarsuarujussuit atorlugit, tamakkualu terminalimik atorfissaqartitsissapput assartukkamik sumunngarfiannut usilersoqqittarnissaannut. Sapaatillu akunnerani kingullermi islandimiut-tyskit isumaqatigiissutaata atsiorneqarnerani aalajangiunneqarpoq containerinut terminali taanna Islandip avannamut kangiani Finnafjordimiissasoq.

Nunarsuup immikkoortuani sanngiitsumi suliniut angisooq

2007-imiilli tamaani nutaamik itisuumik umiarsualiviliornissamut periarfissanik misissuisoqarsimavoq, sapaatillu akunnerani kingullermi suliniutip piviusunngortinnissaa qanilleriarujussuarpoq. Islandimi ingeniøritut siunnersuisarfittullu ingerlatsivissuaq ELFA tyskit ingerlatsiviannik Bremenportsimik – Bremenimi umiarsualivik – tamaanilu kommuninik marlunnik, Vopnafjarðarhreppurimik Langanesbyggðimillu, atsioqateqarpoq selskabimik Finnafjord Port Development Company-mik (FFPD) pilersitsinissamik, taassumalu umuarsialiveqarfik sanallugulu ingerlatissavaa. Bremenportip aktiatigut aningaasaatit 66 procentii pigissavai, ELFA-p 26 procentii kommunillu mikisut taakkua marluk katillutik 8 procentii pigissallugit. Pilersaarutaavoq ukiuni aggersuni aningaasaliisunik amerlanerusunik pissarsiniarnissaq.

Allaaserineqartoq Sermitsiami atuaruk. Aviisi uani pisiarineqarsinnaavoq:

Powered by Labrador CMS