Island Games: Kalaallit Nunaat nerrivimmi arsaararnermi pissartanngorniunnermi siullermi sølvinnappoq

Aqqalu aamma Ivik Nielsen angutini ileriikkaarluni pissartanngorniunnermi unamminertik naammasseqqammerpaat. Jersey unammigamikku ajorsarput, taamaasillutillu sølvinnallutik.

Angutini ileriikkaarluni unamminerit saniatigut Kalaallit Nunaat kuultinnannissaminut suli marlunnik periarfissaqarpoq.

Kaarliinannguaq Lundblad arnani kisimiilluni pissartanngorniunnermi Marina Donner Ålandimeersoq unammissavaa Ivik Nielsenilu angutini kisimiilluni unamminermi Garry Dodd Guernsey-meersoq unammissallugu.

Christina Tønder Bell Kalaallit Nunaanni Timersoqatigiit Kattuffianni siunnersorti taama ilisimatitsivoq.

Halvmarathon

Island Gamesimi halvmarathonimik arpanneq aamma naammasseqqammerpoq. Kalaallit pingasut unammeqataapput.

Arpaqataasut ima inissipput:

Martin Møller nr. 9-nngorpoq piffissaq 1 time, 13 minuttit og 29 sekundillu atorsimallugu.

Christian Nielsen nr. 17-nngorpoq, 1 time, 18 minuttit 8 sekundillu atorsimallugit.

René Anda Nielsen nr. 21-attut inissippoq, 1 time, 18 minuttit 47 sekundillu atorsimallugit.

Powered by Labrador CMS