Skip to main content

Island Games: Kalaallit Nunaat ajugaaniutivinnermi pissanganaqisumi ajugaavoq

Kalaallit sulorartartui Gibraltarimi Island Games-imi kuultinnapput.

Kalaallit sulorartartui holdeqatigiiaarnermi kuultinnapput, aattaalli pissanganaqisumi akuleriilluni marlukkaarnermi kuultinnapput, sæt-ini pingasuni unammereerlutik naammassisumi.

Sapaatiummat unammisaqattaarnerit aallartinneqarput inernerillu ima isikkoqarput: Kalaallit Nunaat - Falklandip Qeqertai 5-0. Kalaallit Nunaat - Orkney 5-0. Kalaallit Nunaat - Jersey 4-1.

Ajugaaniutivinneq

Guernsey-imut ajugaaniutivinneq ima ingerlavoq:
Unamminermi siullermi angutit ataasiakkaarnermi unammipput, tassani Jens-Frederik Nielsen 2-1-imik ajugaavoq.
Unamminerup tulliani arnat ataasiakkaarnermi unammipput, tassani Sara Lindskov Jacobsen 2-0-imik ajugaavoq.
Unamminerup pingajuanni angutit iligiiaarnermi unammipput, tassani Frederik Elsner aamma Jens-Frederik Nielsen 2-1-imik ajorsarput.
Unamminerup sisamaani arnat iligiiaarnermi unammipput, tassani Nina Høgh Møller aamma Sara Lindskov Jacobsen 2-0-imik ajorsarput.

Taamalu unamminerup tallimaat pissanganaqisumik ingerlavoq.

Akuleriilluni marlukkaarnermi Frederik Elsner aamma Nina Høegh-Møller unammipput. Sæt-imi siullermi 21-16-imik ajugaapput, sæt-illi tulliani 16-21-mik ajorsarlutik. Sæt-it pingajuanni Kalaallit Nunaat 16-21-mik Guernsey-imut ajugaallutik kuultinnapput. Guernsey Natwest International Island Games-imi holdeqatigiiaarnerni qulingiluani kingullerni ajugaanikuupput.

Kalaallit nerrivimmi arsaarartartut aamma medaaliannapput – tamatumuuna holdeqatigiiaarnermi bronzinnallutik. Unammisaqattaarnerit aallartinnerani ajugaapput Kalaallit Nunaat – Alderney 7-0. Kalaallit Nunaat – Savalimmiut 4-3, kisianni semifinalimi Jersey-imut unammilluareerlutik 4-3-mik ajorsarput. Bronzinnanniunneq ajorput Kalaallit Nunaatalu Gotland pingajunngoqatigaa.


Marlunngornermut programmi:

Ulloq tamaat sulorarnermi pissanganaqisumik unammisoqarpoq – ataasiakkaarluni sulorarnerit, ataasiakkaarnerni marlukkaarnernilu aamma akuleriilluni sulorarnerit ingerlanneqarput. Frederik Elsner aamma Toke Ketwa-Driefer unammisaqattaarnerit tullissaannut ingerlaqqipput. Nal. 19.15 Arpanneq – 1500 meterit, arnat. Johanne Nivé Møller kalaallini arpattussaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER