Island Games: Holdit arlallit semifinalimut piareeqqasut
Sapaatiummat Island Games-imi Gibraltarimi ingerlanneqartumi Kalaallit Nunaanniit peqataasut tamangajammik unammisaqattaarput.
Ulloq naallugu pissanganartumik timersornermik imaqarpoq, ullaakkut arfineq pingasuniit unnukkut kingulliit qulip qeqqa unillutik.
Ullormut angusat
Triatlon - 1500 meter nalunneq, 40 km sikkilerneq kiisalu 10 km arpanneq.
Maaseeraq Benjaminsenip piffissaq atorpaa. 2.36.21
Nerrivimmi arsaarartartut - iligiikkaarlutik unammisaqattaarneri:
Kalaallit Nunaat - Alderney 7-0.
Kalaallit Nunaat - Færøerne 4-3.
Kalaallit unammisartut pulje-minni ajugaapput semifinale-mullu ingerlaqqillutik ataasinngornermi ingerlanneqartussami.
Arpattartut - 10000 meter. Martin Møller normu 7-inngorpoq piffissaq atorpaa 33.45. René Anda Nielsen normu 9-inngorpoq piffissaq atorlugu 34.24. Ajugaasup piffissaq atorpaa 32.05
Sulorartartut - iligiikkaarlutik unammiuaarnermi.
Kalaallit Nunaat - Falklandsøerne 5-0.
Kalaallit Nunaat - Orkney 5-0.
Kalaallit Nunaat - Jersey 4-1 .
Kalaallit unammisartut pulje-minni ajugaapput semifinalimullu ingerlaqqillutik ataasinngornermi ingerlanneqartussami.