Island Gamesertoqarnissaa ulluligaanngitsumik kinguartinneqarpoq
Qeqertaaqqat Unammiuaarnerat, Island Games, Guernseymi aasaru ingerlanneqarsinnaanngitsoq aaqqissuisut nalunaarput
Annonse
Coronavirusi pissutaalluni Island Games ulluligaanngitsumik kinguartinneqartoq aaqqissuisut nalunaarput.
Island Games Guernseymi aasaru pisussaagaluarpoq, Kalaallit Nunaat timersuutini arfineq pingasuni peqataaniarluni nalunaarnikuugaluarpoq.
Kinguartitsineq taamaatitsiinnarnerluunniit
- Periarfissaasinnaasut tamaasa atorlugit misissuinikuugaluarpugut 2021-mi ingerlanneqarnissaa anguniarlugu. Piviusorli takusariaqarparput, coronavirusertoqarpoq suli, ingerlanneqarnissaanut piareersarnissaq ajornartorujussuussaaq, Island Gamesimi aaqqissuisut allapput.
Island Games 2022-mi pissanersoq imaluunniit Guernseymi pisussaq ilumut unitsiinnarneqassanersoq aaqqissuisut maannamit suliassarilissavaat.