ajunaarnersuaq
Island 2,6 millionit koruuninik tapersiivoq
Islandimi naalakkersuisut ullaaq ataatsimiinnerminni 40 mio. ISK-nik Uummannap sulluani eqqugaasunut tapersiiniarlutik aalajangerput. Danskit aningaasataanut naatsorsoraanni, 2,6 millionit koruunit missaanniipput.
Islandimi naalakkersuisut Uummannap sulluani tassaarsuaqarneranut atatillugu tapersiiniarlutik 40 mio. ISK-nik nassiussivoq. Ullumikkut aningaasat 2,6 millionit koruunit missaannik taakku naleqarput.
Mbl.is taama allappoq.
Islandimi ministeriuneq, Bjarni Benediktsson, pisup nuna tamakkerlugu sunnersimagaa tusagassiorfimmut oqarpoq, Kalaallit Nunaannullu pisumi ilungersunartumi tapersiinissaq aamma pingaarteqarnerarpaa.
Nuna tamakkerlugu katersuiniarneq aallartittoq
Tamatuma saniatigut Kirkens Nødhjælp aqqutigalugu Kalaallit Nunaata klubbip ikinngutaasa Kalak aamma skakkertartut klubbiata Hrókurinn piumasaqarnerisugut Islandimi nuna tamakkerlugu katersuiniartoqarpoq.
Savalimmiormiut naalakkersuisuini siulittaasuata Aksel V. Johannesenip, Savalimmiormiut naalakkersuisui 2 millionit koruuninik ajunaarnersuaqarnerani tapersiillutik ippassaq nalunaarutigaa.
Aamma atuaruk: Savalimmiut 2 millionit koruuninik tapiissuteqartut