Skip to main content

Isikkamik arsaattartut nunanut allanut unammisartut Island Games aallartinnginnerini misiligutaasumik unamminiartut

Angutit isikkamik arsaattartut ullumi sisamanngornermi Boldklubben Frem Valbymi Idrætsparkimi naapissavaat

Marlunngormat kalaallit isikkamik arsaattartut nunanut allanut unammisartui Danmarkiliarlutik aallarput. Tassani unammisartut Island Gamesi juunip ulluisa 24-ni aallartinnginnerani piareersarlutik unammissapput.

Ullumi sisamanngornermi unammisartut misiligutaasumik unammineq siulleq ingerlatissavaat. Taakku 2. divisioniminngaanneersut peqatigiiffik Frem unammissavaat, unammineq Valby-mi Idrætsparkimi Københavnimiittumi ingerlanneqassaaq.

- Danmarkimi sungiusaammik unammineq siulleq artornartu sapernartuaannarpoq. Siullertut unammisartut silaannaq sungiunniarsarissavaat taamatullu unammisartut siullermik unammeqatigiissallutik. Kisianni unammisartut unamminissaminnut qilanaarput, nunanut allanut sungiusaasoq Tekle Ghebrelul Sermitsiaq.AG-mut oqarpoq.

Atuaruk: Angutit nunanut allanut unammisartui Island Gamesimut peqataatitassai

Peqataasinnaanngitsut arlallit

Nunanut allanut unammisartut toqqakkat arlallit peqataasinnaanngitsut arlaqarput. Markus Jensen, Frederik Funch, Niklas Thorleifsen aamma Malik Hermarij peqataasinnaanatik nalunaarsimapput, Island Gamesertoqarneranilu peqataassanatik.

Taakku Norsaq Mathæussenimit, Amos Rosbachimit, Steffen Bollerimit kiisalu Lars Pavia Fritsenimit taarserneqarput.

Frem-imut unamminissami unammisussatut ilimagineqartut:

Målmand: 

Lars Pavia Fritsen 

Forsvar: 
Kaali Mathæussen
Aputsiaq Birch 
Nukannguaq Zeeb
Nick Reimer

Midtbane:
Malik Juhl 
John Ludvig Broberg 
Nikki Petersen

Angreb:
Ari Hermann 
Norsaq Mathæussen
Johan Bidstrup

Unammineq Nunatta nalunaaqutaa malillugu aallartissaaq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER