dommerit

Isikkamik arsaannermi dommerinut ilitsersuisartut nutaat

GBU-p DBU suleqatigalugu GBU-p dommerinik ilitsersuisartussanik pikkorissaavoq. Pikkorissarneqarput dommeriusareersut siunissami ilitsersuinissamik kajumissusillit

Pikkorissaqataasut aqqi allaaserineqartumi takukkit

Kalaallit Nunaanni Isikkamik Arsaattartut Kattuffiata DBU suleqatigalugu isikkamik arsaannermi dommeriusartunik pikkorissaaqqammerpoq.

DBU-mit ilitsersuisuuvoq Leif Dalskov-Andersen, Jens Tang Olesenilu aaqqissuisuulluni.

Taassuma pikkorissaanerup siunertaraa ilitsersusunngortut dommerissanik nutaanik ilitsersusinnaanngornissaat, taakku arsaannernik aqutsisinnaanngortillugit. Dommerisut ilinniagaqassanngillat, kisiannili malittarisassanik ilisimasaat imatut annertutigissapput meeqqat inuusuttullu arsannerinik aammalumi inersimasut arsaannerinik aqutsisuusinnaalersinnaallutik, GBU ilisimatitsivoq.

Anguniagaavoq dommerit amerlilluarnissaat nunarput tamaat isigalugu, ukiullu tamaasa ajornartorsiutaasartoq unammersuarnernut assigisannullu dommerissaaleqineq qaangernissaa. Pingaartinneqarpoq GBU-p dommerinik ilitsersuisartortaavi arsaannerup inatsisaanik ilisimasaqarluarnissaat aammalu oqaatsivut atorlugit ilitsersuisinnaanissaat.

GBU-p dommerinngortut immikkut piukkunnaatillit kingusinnerusukkut dommerisut ilinniartitaaneq tigusinnaassavaat.

GBU-p dommerinik ilitsersuisortaavi ukuupput:

  • Jens Ole Geisler, Qaqortoq
  • Angerla Poulsen, Nuuk
  • Frederik Sandgreen, Ilulissat
  • Michael Jensen, Nuuk
  • Albrecht Brandt, Qeqertarsuaq
  • Steffen Silassen, Nuuk
  • Lars Frederik Lundblad, Sisimiut
  • Nikkulaat Heilmann, Upernavik
Powered by Labrador CMS