GM
Isikkamik arsaallunni pissartanngorniunneq CNN-p oqaluttuaraa
Nunarsuatsinni tusagassiuuteqarfiit annersaata ilaata Qeqertarsuarmi isikkamik arsaalluni pissartanngorniunneq aallakaatitassiaraa
'Isikkamik arsaanneq, ilulissanik arfernillu isikkivilerlutit'. Nunarsuarmi tusagassiuuteqarfiit nuimanersaata ilaat, ukioq manna isikkamik arsaallunni pissartanngorniunneq Qeqertarsuarmi ingerlanneqartoq ilanngutassiaringamiuk taama qulequtsersimavaa.
Pinngortitaq innaqaqisoq, ivigaqannginnera ukiulli annersaani aputeqartarfiusumi, Kalaallit Nunaani isikkamik arsaassinnaaneq takorlooruminaappoq, CNN allappoq.
- Taamaattoq tamaani isikkamik arsaattoqarsinnaavoq, CNN allappoq.
Kalaallit isikkamik arsaattartut siunissangissaartut, DBU-p siulittaasuata Jesper Møllerip tusagassiuuteqarfimmut oqaatigaa.
Taamaattoq piffissami kingullermi nunanut allanut unammisartut sungiusaasuat Tekle Ghebrelulimik soraarsitaasnerata kingorna KNAK-mi eqqisiviilliorneq eqqaanngilaa.
Pissartanngorniutivinnerup kingorna pissatanngortut IT-79 CNN-p oqaloqatigisimavaa.
- Peqatigiiffik aatsaat pissartanngorpoq, tamanna isumaqaqaaq. Unammisartut arlallit qiapput, Kaassannguaq Zeeb CNN-mut oqarpoq.