Skip to main content

Isiginnaarutikkut aningaasanik katersinissami qulequttat saqqummiunneqarput

Meeqqat inuusuttuaqqallu atorfissaqartitsisut pillugit aningaasanik katersinissami qaammat ataasiinnanngortorlu nalunaarutigineqarpoq

Peqatigiiffik Kalaallit Meerartaat oktobarip qulingani aningaasanik katersuiniassaaq. KNR-TV-ikkut toqqaannartumik aallakaatinneqassaaq. 

Aningaasanik katersuiniarneq qulequttat 'maqaasineq kiserliornerlu' 'kikkut tamarmik asanninnermik tunineqarsinnaatitaapput'.

- Kalaallit Nunaanni meeqqanik amerlasuunik naapitaqartarpugut maqaasisaqartunik. Inersimasumik akisussaassusilimmik maqaasisaqartoqarsinnaavoq, angerlarsimaffik maqaasineqarsinnaavoq, illoqarfigisaq, ikinngut immaqaluunniit siunissamik qaamasumik isiginninnermik maqaasisaqartoqarsinnaavoq, Peqatigiiffik Kalaallit Meerartaannik ataqatigiissaarisoq Mads Lumholdt Sermitsiaq.AG-mut oqarpoq. 

Aningaasat isertinneqartut suliniutinut ‘Sapiik’ aamma ‘Takusinnaaviuk?’-mut aningaasat tunniunneqassapput. 

'Sapiik' aqqutigalugu Peqatigiiffik Kalaallit Meerartaasa inuusuttuaqqat meeqqat atuarfiannit soraarummeeqqammersut ilinnialernissaannik kajumissaarisartuupput. Taanna Ilulissani, Nuummi Qaqortumilu ingerlanneqartarpoq. 

Suliami 'Takusinnaaviuk?'-mi meeqqat sumiginnakkat sullinneqartarput. 

Aningaasanik katersinermi toqqaannartumik KNR-ikkut isiginnaarutikkut isiginnaarneqarsinnaasumi isissutissat septembarip 15-anni pisiarineqarsinnaalissapput. Sms-ikkut tapersersuinerit aallartereerput. 

Tusaamasat
Kalaallit nipilersortartut assigiinngitsut tusarnaartitsissapput, soorlu: Simon Lynge, Juaaka Lyberth, Angu Motzfeldt, Varna Nielsenm,  ArkTjiks Aviaja Lumholt, Nukâka Coster-Waldau aamma Karina Møller erinarsortoralugit. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER