Skip to main content

Isiginnaartitsisartunngorniarfik ajornartorsiortoq - ilinniartoq ataasiinnaq

Ane Lone Baggerip ilinniarfimmi pissutsit ernummatigai, Isiginnaartitsisartunngorniarfillu ingerlaqqissappat immikkut ittumik ilinniartunik nutaanik aallartittoqartariaqarluni.

Naak Kalaallit Nunaanni isiginnaartitsineq annertuumik nunarsuarmi iluatsitsiffiugaluartoq aatsaallu siullermeertumik Reumertip nersornaasiuttagaanik kalaaleq isiginnaartitsisartoq toqqarneqarsimagaluartoq isiginnaartitsisartunngorniarfik ajornartorsiorpoq.
Nuummimi Isiginnaartitsisartunngorniarfimmi ilinniartoq ataaseq amiakkuuvoq. Sinneri ilinniarnerminnik taamaatitsisimapput. Aviisi AG taama allappoq.

Immikkut ittumik ilinniartunik nutaanik aallartitsineq
Ingerlaannarsinnaaniarluni ilinniarnerlu ingerlatiinnarniarlugu Isiginnaartitsisartunngorniarfik immikkut ittumik aasaanerani sulinngiffeqareernerup kingorna ilinniartunik nutaanik tallimanik ilinnialertoqartariaqarpoq.
Nalinginnaasumik ukioq ataaseq allortarlugu juullip nalaani ilinniarfik taamaallaat nutaanik ilinniartoqalersarpoq.

Taamatut pisoqarnera Kultureqarnermut, Ilinniartitaanermut nunanullu allanut tunngasunut Naalakkersuisup Ane Lone Baggerip ernummatigaa

Tapiissutit millionit
Minnerunngitsumik pisortat ukiumut 1,8 million koruuninik Isiginnaartitsisartunngorniarfimmut aningaasaliisarmata. Tapiissutit taakku maannakkorpiaq taamaallaat ilinniartumut ataatsimut iluaqutaapput.
Isiginnaartitsisartunngorniarfik Nunatta Isiginnaartitsisarfia peqatigalugu ingerlanneqarpoq. Katillugit ukiumut 9.9 million koruuninik aningaasaliiffigineqartarput.

Allaaserisaq tamaat AG-mi atuaruk. Uani ataani linki aqqutigalugu aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER