Isiginnaartitsisarfik Majbritt Bechimut atsiunneqartoq
Nuummi Nunatta Isiginnaatitsisarfiani isiginnaartitsisarfik isiginnaartitsisartumut Majbritt Bechimut, decembarip qaammataata aallartinnerani toqukkut qimaguteriasaartumut atsiunneqarpoq.
Nunatta Isiginnaartitsisarfiata pingasunngormat tamanut nalunaarutigaa, isiginnaagassiaq 'Angakkussaq' pillugu takutitsinermut atatillugu isiginnaartitsisarfik atserneqarsimasoq.
Isiginnaartitsisartoq Majbritt Bech, siorna decembarip qaammataata aallartinnerani naatsorsuutiginngisamik toqukkut qimaguteriasaartoq, Nuummi isiginnaartitsisarfimmut Industrivejimiittumut atsiunneqarsimavoq.
Majbritt ataqqiniarneqartoq
- Isiginnaartitsisarfimmi tassani isiginnaagassiaq siulleq, Nunatta Isiginnaartitsisarfiani ilinniartut siulliit soraarummeerutigalugu isiginnaartitsinerannut atatillugu isiginnaartitsissutigineqarsimavoq, Majbritt Bech taakkununnga ilaalluni. Tamanna pivoq 2014-imi juunip qaammataani isiginnaagassiaq Minik takutinneqarmat, isiginnaartitsisarfimmi pisortaq Susanne Andreassen isiginnaartitsisarfimmik atsiinermut atatillugu oqarpoq.
- Isiginnaartitsisarfimmi isiginnaagassiaasimasorpassuit eqqaaniarlugit Majbriit Behcillu ilitsersuisutut suliarisimasarpassui ataqqiniarlugit isiginnaartitsisarfik tassunga atsiunneqassasoq aalajangersimavugut, taanna oqarpoq.
Ukiunik qulinngortorsiorneq
Isiginnaagassiaq 'Angakkussaq' Nunatta Isiginnaartitsiarfiani pingasunngormat matoqqasumik takuteqqaarneqarpoq. Taamaalilluni isiginnaartitsisarfiup ukiunik qulinngortorsiorneranut atatillugu takutitseqqaarneq aallartinneqarluni.
Isiginnaartitsisarfimmik atsiussinerup tamanut saqqummiunneqarneranut atatillugu isiginnaagassiamik suliaqarsimasut Majbritt Bechillu ilaqutai takutitseqqaarnissamut qaaqquneqarsimapput.
