Isiginnaartitsinissat: Tarrak pillugu isiginnaagassiap illoqarfinni allani isiginnaartitsissutigineqarnissaa ukiamut kinguartinneqartoq

Coronap tuniluunneranik siuaruatsaaliinerup illoqarfinni assigiinngitsuni Josef/Tarrak pillugu pilersaarutaasutut isiginniaartitsinissat maanna eqqorpai.

Illoqarfinnut allanut takutitsiartoqattaarnissat sapaatip akunnerata tulliani aallartinneqartussaagaluarput, maannali taakku ukiamut kinguartinneqarput.

Forestillingen, der bygger på den karismatiske rapper Josef Tarraks opvækst og liv, havde premiere i Katuaq i efteråret.

- Oqartussat Coronavirusimut tunngatillugu inassuteqaataat Katuamit malinnaaffigineqarput. Nunami maani maanna pissutsit, Josef/Tarrak pillugu isiginnaagassiap Kalaallit Nunaanni angallannearnissaanik Katuap pilersaarutaanut ajoraluartumik sunniuteqarsimapput, taamaammat isiginnaartitsinissat ukiamut kinguartinneqarput, tusagassiorfinnut nalunaaruteqarnemi ilisimatitsissutigineqarpoq.

- Katuamit isiginnaagassiamik suliaqarsimasut aaqqissuussisimasullu tamaasa oqaloqatigineqarnerisigut isumaqatigiissutigineqarsimaavoq, inuit amerlanerpaat isiginnaagassiamik takusaqarsinnaaqqullugit tamanna pitsaanerpaamik aaqqiinerussasoq.

Isiginnaagassiaq sakkortooq

Isiginnaagassiamut Pipaluk Kreutzmann Jørgensen ilitsersuisuusoq Josef Tarraap kingullermik albumiliaanit isumassarsisinneqarsimavoq, Josefip Kalaallit Nunaanni ullumikkut ajornartorsiutaasartorpassuit taalliarisimavai. Tassani aamma pingaarnerit ilagaat, alliartornerata annersaani ataataminik najorneqarsimannginnera.

- Isiginnaartussat naatsorsuutigissavaat isiginnaagassiap sakkortuumik misigineqarsinnaanera. Paqumigineqarsinnaasunik takutitsissaagut. Kalaallit tamangajalluinnarmik unnummut takutitassarput misigisaqarfigisimassannguatsiarpaat. Misigissutsit sakkortuut ilisarnartullu takutinneqartassapput, Josef Tarrak Nuummi takutitseqqaarnissaq sioqqullugu oqaluttuarpoq.

Katuamit naatsorsuutigineqarpoq illoqarfinnut allanut angalasaqattaarnissat qaqugu pissanersut piaartumik nalunaarutigineqarnissaat.

Ukiamut utaqqisinnaanngikkaanni, filmimi piviusulersaarummi, 'Kampen om Grønland’, Josef Tarrak isiginnaarneqarsinnaavoq. Cph.Dox aqqutigalugu marlunngorpat digitalikkut pisiarineqarsinnaalissaaq.