Skip to main content

Isiginnaartitsinermik ilitsersuuisartoq: Kinguaariit tinnersarusuppavut

Isiginnaartitsissummi nutaami inuusuttut utoqqaallu ataqatigiissinniarneqarput, inuunerminni aqqusaarsimasaminnik ilungersunartunik – imaluunniit maanna aqqusaakkaminnik ilungersunartunik oqallisiginninnermikkut.

- Pineqartoq tassaavoq oqaatigineqanngitsut nipituumik oqaatigineqarnissaat. Kinguaariit imminnut  ataqatigiissilernissaat.

Isiginnaartitsinermik ilitsersuisartoq Hanne Trap Friis aviisimut AG-mut taama oqarpoq.

Isiginnaartitsinermik ilitsersuisartoq Hanne Trap Friis, teaterkompagniet FreezeProduktionsimik aqutsisoq, Kangerlussuarmit oqarasuaatikkut nuannaaqaluni oqaluttuaraa isiginnaagassiaq nutaaq tikiussassartik, aalajangersimakannersumik suleqatigisartakkani peqatigalugit tassaasut erinniortoq nipilersortartorlu Hans-Ole Amossen aamma qullilersuisartoq Naleraq Eugenius.

Isiginnaagassiaq takutinneqartussaq ”Din historie er også min // Oqaluttuaatigut” inuususuttunut isiginnaagassiaavoq, soorunami inuusuttunut saaffiginnittuusoq, tamanilli isiginnaarneqarsinnaasoq, Hanne Trap Friis erseqqissaavoq, taanna ukiuni kingullerni Nunarput aallaavigalugu arlalinnik isiginnaagassiortarpoq, soorlu ”Tarnima nammatai” aamma ”Palasi aamma Angakkoq”, siorna takuteqqaarneqartoq.   

Ilitsersuisartup nangilluni oqaluttuaraa, isiginnaagassiami tunuliaqutaasoq tassaasoq, tunngavilimmik isummiussatut inuusuttut namminneerlutik inuunerminni aqqutissarsiornissaanni kinguaariit utoqqaanerusut oqaluttuussisariaqarnerat.

- Tamakku tassaasinnaapput misigisat ilungersunartut, utoqqaanerusut inuunerminni misigisimasaat, aamma immaqa inuusuttunut isiginninnerannut pingaaruteqartut, qanorlu inuusariaqarnerannut pingaaruteqarsinnaasut, ilitsersuisartoq taama itisiliivoq.   

Assersuutigalugu pineqartut tassaasinnaallutik kalaallisut ateqalersinnaannginnermik misigisimasaq imaluunniit kuisittariaqalernermik pinngitsaalineqarneq. Imaluunniit qulingiluanik ukioqarluni Danmarkiliartitaaneq, tassa ilaqutaasut tulluusimaarutissaqarniassammata, Hanne Trap Friis nassuiaavoq.

Aviisimi AG-mi atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER