Skip to main content

Isiginnaartitsinermik ilinniartoq nunasiaqartuuneq pillugu kisimiilluni suliaqartoq

Vivi Sørensen nunasiaataaneq pillugu isiginnaagassiaq, 'Sermersuup aassiisaa', allataraa, ilitsersuisuuffigalugulu isiginnaartitsisuuvoq

Isiginnaartitsisartunngorniaq Vivi Sørensen, maani nunatsinni kulturikkut soqutiginartunik suliniutinut arlalinnut (paasissutissat takukkit) peqataasarsimasoq, nutaamik isiginnaagassiortuuvoq, taanna Odensemi takutinneqassaaq.

Taana isiginnaagassiaq eqimasoq, Vivi Sørensenimit allataalluni, ilitsersuisuuffigineqarluni aamma isiginnaartitsissutigineqassaaq, taanna Kalaallit Nunaata nunasiaataasimanera pillugu oqaluttuarisaanermut, ullumikkut suli erseqqissuunngitsumut tunngavoq.

Aataavi qallunaat
Isiginnaagassiaq inatsisitigut ataataqanngitsut ajornartorsiutaannut, Vivi Sørensenip anaanaata eqqarsaatersuutaanit, Stina Sørensenimit allakkanit oqaaseqaatitut allaaserisaavoq.

- Taassuminnga inatsimmik uanga aamma pinngortuuvunga, Vivi Sørensen tusagassiuutinut nalunaarummi nassuiaavoq.

- Uanga inatsisitigut aataqanngitsuuvunga, aataakka tamarmik qallunaajupput, kisianni qallunaat pilersitsisukka ilisimanngilluinnarpakka, tassa angajoqqaamma angajoqqaatik paasisinnaanngimmatigit.

Atuaruk: Nunaqarfimmi inuuneq pillugu isiginnaagassiaq nutaaq

Nunatsinni meeqqat uersakkat 1963 sioqqullugu inuusut, ataatatik paasinissaannut pisinnaatitaanikuunngillat, aammalu kingornussisussaatitaanatik.

Inatsit aatsaat 2014-imi allanngorneqarpoq, ullumikkullu kalaallit 4.000-t missaanniittut, ataatatik suli kinaassusersinikuunngilaat.

Sapaatip akunnerani isiginnaartitsinerit arlallit
- Takorlooruk inatsit pissutigalugu ataatat kinaanersoq paaseqqusaanngikkit. Paaseqqusaanngivippat. Qanoq isikkoqarnersoq paaseqqusaanngilat, imaluunniit kingornuttakkanik allanilluunniit nappaateqarnersoq, tassami danskit nunasiaateqartut taamatut oqarput.

Atuaruk: Isiginnaartitsisunngorniarfimmi aqutsisoq paarlanneqartoq

Odensimi isiginnaartitsisartunngorniarfiup festivalertitsineranut atatillugu, 'Sermersuup aassiisaa'  sisamariarluni isiginnaartitsinikkut takuteqqaarneqassaaq, tassani isiginnaagassiat qulit allat takutinneqassapput.

Isiginnaagassiaq Vivi Sørensenimit allagaavoq, tassani 'Sara Davidsen uden far' aallaavigineqarpoq, taanna Stina Sørensenimit allataavoq.

Vivi Sørensenip saniatigut Kasper Grøn aamma Emil Bodenhoff isiginnaartitseqataassapput.

Isiginnaartitsineq pillugu oqaluttuat tamaasa atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER