Arsaattarfik

Isiginnaartarfilimmik arsaattarfiliornissamut aningaasassarsiortoqassaaq

Naalakkersuisut Fifa-p piumasaqaataanik naammassinnittumik Nuummi isiginnaartarfilimmik arsaattarfiliornissamut aningaasassarsiornissamut suleqatigiisitaliussasut Inatsisartut marlunngormat aalajangerpaat.

Sermitsiaq aviisimi saqqummertumi kingullermi taama allappoq.

Taanna Anders Olsenimit (S) siullermik siunnersuutigineqarpoq, 2015-imili upernaakkut ataatsimiittoqarnerani suliaq taanna aalluppaa.

Suliassamut pilersaarut 2016-imi ukiakkut agguaanneqarpoq. Akunnittarfittaqanngitsumik arsaattarfiliorluni sanaartornissamut aningaasartuutit 303,87 millionit koruuniunissaat akunnittarfittaqarpallu 453,76 koruuniunissaat sanaartornissamut pilersaarummi allassimavoq.

Avataanit aningaasaliisut
Anders Olsenillu aningaasalersuisinnaasut maanna paaserusuppai taamaammallu suleqatigiisitaliortoqarnissaanut siunnersuuteqarluni.

Nunatta Karsia Kommuneqarfik Sermersoorlu sanaartugassarsuarmik aningaasalersueqataajumaartut Anders Olsen neriuppoq. Avataaniilli aningaasaliisinnaasut pisariaqassasut ilisimavaa.

Linki uani ataaniittoq aqqutigalugu allaaserisaq tamaat atuaruk:

Powered by Labrador CMS