Isiginnaagassiaq 'Ivalu' Oscarinnanissamut innersuunneqarpoq
Isiginnaagassiaq 'Ivalu' nunatsinni kinguaassiutitigut atornerluinermik sakkortuumik oqaluttuartaqarpoq. Isiginnaagassiani naatsuliani Oscarinnannissamut isiginnaagassiaq innersuunneqarpoq.
Atuakkiaq 'Ivalu' Danmarkimi meeqqanut ilinniartitaanermullu ministeriaqarfimmiit 2020-mi nersornaaserneqarpoq.
Naatsukullaliaq maanna isiginnaagassianik suliaqartartumit Anders Walterimit isiginnaagassialiarineqarsimavoq. Isiginnaagassiarlu Oscarimut innersuunneqarsimavoq.
Isiginnaagassiami nunaqarfimmi niviarsiaq Pipaluk angajuminik Ivalumik, kinguaassiutitigut atornerlungaasimasumik, ujaasivoq.
Det Danske Filminstitut ilisimatitsivoq isiginnaagassiaq Oscar-akademimit ajugaasinnaasutut taaneqarsimasoq.
Filmimik ingerlatsisuusoq Oscarinnareernikuuvoq
Akademip isiginnaagassiat Oscarinnannissamut ajugaasinnaasutut taasimappagit, tamanna isumaqarpoq innersuunneqartut ikileriarsimasut, taaneqartullu innersuunneqarnerminni ingerlaqqittut.
Anders Walther naatsukullaliamik isiginnaagassialiorluni - Helium-imik atilimmik - 2014-imi Oscarinnareernikuuvoq.
Isiginnaagassiat sorliit Oscarinnannissamut innersuunneqartutut ingerlaqqinnersut Oscar-akademip 24. januar 2023 avammut nalunaarutigissavai.
Oscarinnatsitsineq USA-mi Los Angelesimit 12. marts 2023 ingerlanneqassaaq.