Isiginnaagassiaq Angutivik Nuummi takutinneqassaaq
Nuummi isiginnaariat isiginnaagassiaq nersualaarneqaqisoq ”Angutivik” (Den grønlandske Mand), isiginnaartitsisartup Klaus Geislerip ”Reumertpris”-imik 2019imi nersornaaserneqarneranik kinguneqartoq takuniarsinnaanngorpaat
Isiginnaagassiaq Angutivik, qallunaatut ”Den Grønlandske Mand”, Danmarkimi nuna tamaat isiginnaartitsisarfinni 20-ni angallanneqassaaq. Angallanneqannginnerani danskisut oqaasertalerlugu Nuummi takutinneqassaaq.
Nunatta Isiginnaartitsisarfia tusagassiutinut nalunaarummi allappoq.
- Angutivik angut kalaaleq pillugu ilisarititsineruvoq isummiussanik allanngortitsinerusoq. Isiginnaagassiami angut nutaamik ilisaritinneqarpoq kinaassusia, atoqatiginneriaasia, siuaasai, inuttut sorsuutigisartagai aamma pinngortitamut, illoqarfissuarmut arnanullu kalaallip angutip asanninneranut tunngasunik takutitsinerulluni, nalunaarutigineqarpoq.
Isiginnaagassiami ilitsersuisuuvoq Hanne Trap Friis oqaasertaalu atuakkiortumit Niviaq Korneliussenimit allagaapput.
Isiginnaagassiaq Nuummi takutinneqassaaq tallimanngorpat aamma sapaatiuppat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...