Tele-Post
Isertoq Tiilerilaarlu attaveqanngitsut
Tunumi nunaqarfiit marluk arfininngormalli telefonimut nalinginnaasumut, mobilimut, internetemut aammalu radiomut TV-mullu attaveerussimapput
Niaqernaatimi sakkortusaaviup Isertumut Tiilerilaamullu attaveqartitsisup innaallagialersorneqarnerminik qamittoormat attaveeruttoqarpoq, Tele-Post ilisimatitsivoq.
Iluarsaakkiartorneqartoq
Tele-Post sakkortusaaveqarfimmut sulisuminik ajornartorsiummik aaqqiiniartussanik maanna aallartitsisimalerpoq.
- Tamatuma sullitatsinnut ajoqusersuutaanera ajuusaarutigaarput, attaviillu Isertumi Tiilerilaamilu piaarnerpaamik ingerlaqqilernissaat ilungersuutigaarput, teknikkimut IT-qarnermullu pisortaq Jonas Hasselriis oqarpoq.