tigummigallarneqartut
Isertitsivinnut aningaasartuutit amerlanerulernissaat ujartorneqartoq
Nunatsinni Pinerluttulerinermik Isumaginnittoqarfimmi pisortaq atugassarititaasunik isornartorsiuivoq
Inatsisinik atuutitsinermut ministeriaqarfiup aningaasaliissuteqarnerusalernissaa Hans Jørgen Engbomit piumasarineqarpoq. Taamaalilluni isertitsivimmiitinneqartut nakkutigineqarluarnerusinnaaniassammata.
Politeeqarfinni isertitsivinniisinneqartartut pineqaatissinneqarsimasunut inissiisarfinnit akisussaaffigineqalernerisa ajornartorsiut tamanna pilertoq oqaatigaa.
Sulisunik atorfissaqartitsineq
- Tigummigallagassanik paaqqutaqalernermi inissiisarfinni sulisut ilaatigut artukkerneqartarput, taamaattoqaraagallu allatut ajornartumik Danmarkimit ikiortissatsinnik pissarsiortariaqartarpugut. Tamanna ajornartorsiut kisitta ajornartorsiutinnginngilarput, politiinut tamanna aamma ajornartorsiutaavoq, Pinerluttulerinermik Isumaginnittoqarfimmi pisortaq, Hans Jørgen Engbo oqarpoq.