Isernissamut inerteqqut pillugu aatsitassarsiornermut naalakkersuisoqarfik mianersoqquneqareersimasoq

Ironbarkimik suliaq pillugu aatsitassarsiornermut naalakkersuisoqarfik politiinit mianersoqquneqareerput ukiut pingasut matuma siorna

Namminersorlutik Oqartussani Svalbardimit Station Nordimut iseqqusiunnaarneq ernumanartinneqarlunilu isornartorsiorneqarpoq, tassuunakkut australiamiut Citronen Fjordimi aatsitassarsiornermik suliniutaat Ironbark Zinc, milliardilinnik akilik, sakkortuumik eqqorneqassasoq. Suliniummi ingerlatsinermi aningaasartuutit qaffariarujussuarsinnaapput, tamanna Sermitsiami tallimanngormat saqqummersumi atuarneqarsinnaavoq.

Taamaattoq tamanna pillugu politiit mianersoqquteqarput ukiut pingasut matuma siorna.

Tassani Schengenimut isumaqatigiissummut naleqquttumik mittarfeqarnissaa siunnersuutaavoq.

Svalbardip Schengenimut isumaqatigiissummut peqataannginnera ajornartorsiutaavoq. Aamma Station Nord mittarfittut akuerisaanngilaq.

Ironbark immikkut ittumik qinnuteqaraluarpoq aasaq, qinnuteqaalli itigartinneqarpoq.

Sammisaq Sermitsiami tamakkiisumik atuarneqarsinnaavoq. Aviisi uani pisiariuk:

Powered by Labrador CMS