Iserit millioninik marlunnik kisitsisitalinnik sinneqartooruteqarpoq
Kommuneqarfik Sermersuup inissiaatileqatigiiffia, Iserit A/S, 2020-mi akileraannginnermini 16,2 mio. kr.-nik sinneqartooruteqarpoq, ukiup siuliani 2,2 mio. kr.-iusut.
Inissianik tunisinermi iluanaarutit Iserit A/S-ip missingersuutigisaanit malunnaatilimmik pitsaanerusumik sinneqartoortippaa. Inissiaatileqatigiiffiup ukiumut nalunaarusiaani, qanittukkut illoqarfiit pingaarnersaasa kommuniani Inuussutissarsiornermut Aningaasaqarnermullu Ataatsimiititaliamut saqqummiunneqartumi tamanna atuarneqarsinnaavoq.
Allaffissornermut tapit ukiut 14-it tulleriit qaffanneqarsimanngitsoq, inissiaatileqatigiiffiup oqaatigaa.
Ingerlatseqatigiiffiup akiligassat appartinneri iluatsippaa, taakku attartortut ingerlatseqatigiiffimmut akiitsoraat. 2020-mi ukiup naanerani akiitsut 23,3 mio. kr.-iupput, tamannalu ukiup siulianit 3,3 mio. kr.-nik ikinnerupput.
- Appariarneranni ilaatigut qularnaveeqqusiissutip iserternermi akilerneqartartup qaffanneqarnerata sunniuteqalerneranik tunuliaquteqarpoq, kiisalu akiitsut malitseqartarnerinik suliat sulisunik pisariaqartitsisut ingerlatiinnarneqarnerannik pissuteqarpoq, aqutsisut ukiumut nalunaarusiami nassuiaapput.
Akileeqqusilluni allakkat
2020-ip ingerlanerani Iserit akileeqqusilluni allakkanik marloriaatingajannik amerlanerusunik nassiussivoq, akileeqqusilluni allakkat 3.017-it nassiunneqarpoq, akileeqqusilluni allagaqarnermik periuseqarneq akiligassanullu malitseqartitsineq appariarnermut pissutaatinneqarpoq.
Ingerlatseqatigiiffiup nammineq aningaasaatai 555,6 mio. kr.-iupput, 2021-milu 100 mio. kr.-it nalinginut sanaartornermut aningaasaliisoqarnissaa naatsorsuutigineqarpoq.
2021-mi millionit koruunit affaannik akileraannginnermi sinneqartooruteqarnissaq naatsorsuutigineqarpoq, inissianik tunisisoqarsinnaanera ilanngunnagu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...