Iserfissaq: Kalaallit Nunaata Station Nord ilungersuutigaa
Kalaallit Nunaat ilaatigut Tunup avannaarsuani aatsitassarsiorneq tunngavigalugu aningaasatigut siuariartornissamik pisariaqartitsivoq. Taamaattumik Kalaallit Nunaat Danmarkilu Svalbardimiit Station Nordimut timminerit unitsinnerat pillugu suliami pitsaasumik aaqqiisariaqarput. Station Nord ammaqqinneqartariaqartoq, Aatsitassanut Naalakkersuisoq Erik Jensen isumaqarpoq
Naak Kalaallit Nunaanni Politiit akuerisaasumik killeqarferanilu mittarfeqanngimmat toqqaannartumik Svalbardimiit Tunup avannaarsuani Station Nordimut timmisartornissamik itigartitsiuaraluartut Namminersorlutik Oqartussat timminissat politiit akuersissutiginngisaannarsimasaasa ammaqqinnissaanut ilungersuuteqarput.
Aviisi Sermitsiaq taama allaaserisaqarpoq.
- Station Nord tikinneqarsinnaalertariaqarpoq. Inatsisinik atuutsitsinermut ministeri kimigiiserfigisariaqarpara taannalu Danmarkimilu naalakkersuisut suleqatigalugit suliap pitsaasumik ingerlanissaa suleqatigiissutigalutigu. Uanga qularutiginngilara ilisimatuut aatsitassarsiorfiillu Svalbardimi mittarfiup Station Nordimut attavittut atorneqarnissaa soqutigigaat, Aatsitassanut suliffeqarnermullu Naalakkersuisoq Erik Jensen oqarpoq.
Naalakkersuisoq suliamut maanna ilannguppoq. Station Nordimut Tunullu avannaarsuanut ajornaatsumik tikissinnaanissaq anguniarpaa, taamaalillutik aningaasaliisartut aatsitassarsiorfiillu akikinnerpaamik ajornannginnerpaamillu Tunup avannaarsuanut tikissinnaallutik.
Suliaq pillugu aviisimi Sermitsiami paasisaqarnerusinnaavutit, uani ataani linki aqqutigalugu aviisimut isissutissarsisinnaavutit: