Skip to main content

Isaruaarniaq: Meeqqavit isai illersukkit

Eqqaamasassaarannguit ikiuutillu meeqqat isigiarsuttunngortarnerinut akiuutaalluarsinnaapput.

Isaruaarniaq Ane Sofie Berthelsen Nuummi Isit Optikimik piginnittuussoq oqarpoq. Taassuma nassuiaatigaa piffissami sivisuumik atuakkamik atuarnikkut skærmerpallaarnikkulluunniit isit ilungersortinneqartartut.

Isit qasusut

- Timikkut nukiit allat assigalugit isit nukii aamma qasusinnaapput. Piffissami sivisuumi ataasiinnaq isingivallaarlugu soorlu atuakkamut skærmimulluunniit qanippallaarnikkut taama pisoqartarpoq. Taamaaliornikkut isigiarsuttunngortoqalersinnaavoq, inuunerillu sinnerani iluamik isiginnissinnaajunnaarnermik kinguneqarsinnaalluni, Ane Sofie Berthelsen oqaluttuarpoq.

Smartphonenik, tabletsinik imaluunniit qarasaasianik atuisartut amerliartornerini amerlasuut isigiarsuttunngornissaamut misissuinermi takutinneqarpoq, tamannalu isaruaarniap ernumassutigaa.

Taanna angajoqqaanut kaammaattuuteqarpoq meeqqaminnik nakkutiginnilluaqqullugit, atualeqqaarnermimi isigiarsuttunngortarneq pilersarmat.

Arajutsinaveersaarit

Ukua arajutsinaveersaarneqassapput:

Meeqqap nakkussiniarnermini isimi illuinnaanik isiginiartarnersoq

Isini atuakkamut skærmemulluunniit qanitsippallaarnerai

Sequnngeqattaartarnersoq

Nakunganersoq niaqorlunnerarnersorluunniit

Najoqqutassatsialak

- Isit qasuersaartinnissaat eqqaamallugu. Najoqqutassatsialattut atorneqasinnaavoq meeqqap atuakkamik skærmimilluunniit minutsini tallimani tinguartisimanerisa kingorna sekundialunnguani allamut saatsilaartarnissaa, Ane Sofie Berthelsen paasissutissiivoq. Meeqqat atuartut isimikkut – assersuutigalugu ukiup atuarfiup aallartinnginnerani – akuttunngitsunik misissortittarnissaat pisariaqartoq, taanna isumaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER