Skip to main content

Ironbarkip pisortaa ajornartorsiuteqannginnerartoq

Nunatta avannaarpiarsuani Citronenfjordip eqqaani zinkimik suliniussuaq aningaasaliisunit annertuumik pitsaasumillu samminiarneqarpoq, Jonathan Downes erseqqissaavoq. Taassuma misissuineq Sermitsiami saqqummiunneqartoq paasisinnaanngilluinnarnerarpaa.

Sanaartornerup immikkoortua siulleq qularnanngitsumik aappaagu aasakkut aallartissinnaassaaq, tassami aningaasaliisut soqutiginnillutillu piumassuseqarluarput. Suut tamarmik pissusissamissut ingerlapput.

Taamatut oqarpoq Australiamiut ingerlatseqatigiiffiata Ironbark Zinkip pisortaa Jonathan Downes, sapaatip akunnialunnguisa matuma siorna ujarassiuup Ole Christiansenip, Nunamineralsimi pisortaasimasup ullumikkullu Kommune Kujallermi aatsitassarsiornermi siunnersortitut sulisup, misissuinera Sermitsiap saqqummiutereeraalu.

Misissuineq tamanna Ole Christiansenip aatsitassarsiornermik suliniutit assigiinngitsut pillugit aviisimi allaaserisaasa arlallit ilagaat. Taassuma tassani sammivaa zinkimik suliniutit tuniniaavimmi annertusigaluttuinnartumi nalinginnaasumik ingerlalluartut, Ironbarkimit nutaarsiassaqarpallaannginnera sanaartornissap milliardinik akillip aningaasalerneqarnissaa eqqarsaatigalugu killormut sammerpasissoq, soorluttaaq ingerlatseqatigiiffiup aktiatigut nalinga atuinissamut akuersissummik tunineqanngikkallarneranit appasinnerulersimasoq.

– Zinkip akia 2016-imi januaarimiilli 115 procentimik qaffariarsimavoq. Zinkimik piiaaffiit arlallit imaarussimapput. Ilimanartoqanngilarlu zinkimik tuniniaasut piumaneqarneranut ukiuni arlalinni malinnaasinnaassasut. Ironbarkili Citronen Fjordimi zinkimik piiaaffissamik suliniuterujussuarminik, tuniniaavimmi ingerlalluaraluartumi, samminnikkuminaatsitsivoq. Suna ajornartorsiutaava, Ole Christiansen taamani aperivoq.

Ajornartorsiuteqanngilluinnarpoq, pisortaq Jonathan Downes, Australiamit telefonikkut oqarpoq. Akerlianik akilersinnaassutsimik misissuinerup nutaarluinnaap takutippaa piiaaffik manna tikillugu ilimagisamit akilersinnaanerusoq, taannalu pigalugu aningaasaliissuteqarnissamut piviusumik isumaqatigiinniuteqarnissat maanna ammaanneqarput.

– Akilersinnaassutsimik misissuineq nutartigaq qanittuararsuakkut tiguarput. Ajoraluartumik akilersinnaassutsimik misissuinitta siulliup atuinissamullu akuersissummik tunineqarnissatta tungaanut piffissaq sivisooq ingerlasimavoq, taamaattumillu suut tamaasa, akissarsianut aningaasartuutiniit atortut akiinut, nutaamik nalileeqqinnissaq pisariaqarsimavoq. Maannali misissuineq nutaaq nunani killerni tuniniaavimmi atorneqartussaq tigusimavarput, taannalu isumalluarnartorujussuuvoq. Taanna atorlugu aningaasaliisut aningaaseriviillu oqaloqatigisinnaavavut, Jonathan Downes oqarpoq.

Tamanna pillugu AG-mi paasisaqarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER