aatsitassarsiorneq
Ironbarkip paasissutissatigut tunngavigisai isornartorsiorneqartut
Atortussatigut paasissutissatigullu tunngavissat pisoqalisimasut, aningaasaliisartuni nalorninermik pilersitsisut isornartorsiorneqarput
Aatsitassarsioqatigiiffik Ironbark Zinc Ltd., Citronen Fjordimi ukiuni 30-ni piiaanissamut akuersissummik 2016-imi decembarimi tunineqartoq, nalilersueqqissaarnermut aningaasaliisartunullu »nalinginnaanngitsumik pisoqalisimasunik pitsaassutsimikkullu allanngorartunik, aningaasaliisartunullu nalorninermik pilersitsisunik« paasissutissaateqartutut isornartorsiorneqarpoq.
Tamanna internettimi tusagassiuummi Mining-Journal.comimi oqaaseqaammi takutinneqarpoq. Oqaaseqaat PortfolioDirectimi aningaasaliisartunut periusissiornermi piortamit, John Robert- sonimit, Australiami niuernermik ingerlatanut aningaasaliisartunullu siunnersuisartutut ukiunik 30-nik misilittagaqartumit, allagaavoq.
Paasissutissat pisoqalisimasut
John Robertson oqaaseqaammi ilaatigut allappoq, Citronen Fjordimi suliniummut paasissutissatigineqartut eqqoqqissaassutsimik sukannersumik pimoorussinermillu, suliniummi suliniutip ingerlanneqarnerani taama siuarsimatigereersumi naatsorsuutigineqareersinnaagaluartunik, amigaateqartut.
- Suliffeqarfik suliniummut nalilersueqqissaarnermik sukumiisumik nutartikkamik aningaasaliissutit ingerlaarnissaannik suliallu aallartinneqarnissaanut piginnaaneqarnermik qularnaveeqqusiissutitalimmik suliaqartariaqaraluarpoq.
- Aningaasaliisartunit maannamut misissueqqaarnernik 2013- imi apriilimeersunik aningaasartuutissanut nalilersuinernik 2010-meersunik uppernarsaatitalinnik, ilaatigut ingerlatsinermut aningaasartuutissanik kukkunersiugassanik imaqanngitsunik, naammaginniinnartariaqarput. Aningaasat nalingisa nikerarnerinut atatillugu misikkarissutsimik nalilersueqqissaarnerit aamma amigaataapput. Kinamiut aningaasaat yuan 2010-miilli 13 procentinik nikerarsimavoq. Euro Amerikamiut dollariannut sanilliullugu 23 procentinik nalikinneruvoq, John Robertson allappoq.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: