Ironbark Zink ukioq manna Citronen Fjordimukassanngitsoq
Australiamiut aatsitassarsiorfiutaat Ironbark Zink ukioq manna Citronen Fjordimi suliaqarnissamik pilersaaruteqaraluarpoq. Tamatumali pisinnaanera qularnartupilussuanngorsimavoq, pisortaq qaammammi kingullermi Torontomi PDAC pillugu ataatsimeersuarnermut peqataasoq oqarpoq.
Aatsitassarsiorfik Ironbark Zink piiaanissamut 2016-imi akuersissumik tunineqarpoq, Kalaallitlli Nunaata avanaarsuata kangiani Citronen Fjordimi sulilluni suli aallartissimanngilaq. Ukioq mannalu coronavirusi pissutigalugu unammillernarniartutut isikkoqarpoq, pisortaq Michael Jardine oqarpoq.
– Ukioq manna covid-19 pissutaalluni 2020-mi Citronen Fjorderimukarnissarput qularnarluinnarpoq, juulimmi qaammataani Citronen Fjorderumukarnisarput pilersaarusiorsimagaluarparput. Soorunami tamanna ajornarpoq. Tamatuma saniatigut suliassatsinnut atatillugu kinguaattoornissarput naatsorsuutiginngilarput, aatsitassarsiornissaq pilersaarusiorparput akuersissutillu pigisavut isumagalugit, Michael Jardine, Jonathan Downes taarserlugu 2019-imi septemberip qaammataani pisortanngortoq oqarpoq. Ingerlatseqatigiiffiup misissuinissamut akuersissuteqaatini arfineq-marluk, Citronen Fjorderimi pingasut, Mestersvigimi pingasut Washington Landimilu ataaseq Namminrsorlutik Oqartussanu kingusinnerusukkut utertippai. Michael Jardine 2019-imi ukiakkut Danmarkimut Kalaallillu Nunaannut tikeraarpoq, 2020-milu martsip qaammataani Torontomi PDAC pillugu ataatsimeersuarnermut peqataalluni, tassani ”Greenland Day” atuutsinneqarmat Citronen Fjorderimi suliniutertik oqaluttuaraa.
Ilanngullugu oqaluttuaraa, ingerlatseqatigiiffimmit misissorneqartoq, Citronen Fjorderip eqqaaniittut assersuutigalugu anorisaatit erngullu nukinganik nukissiuutit atorlugit allatut nukimmik qanoq pilersuisoqarsinnaanersoq misissorlugu.
Tanbreeaip Greenland Mineralillu Kujataani suliniutai pillugi ilanngutassiat aamma Sermitsiami atuakkit - ugguuna iserfigisinnaavat: