akitsuutit
Ironbark Zink royaltymik akiliiumanngitsoq
Kalaallit Nunaata avannaarsuani zinkimik qalluilernissamik suliniut angisooq misissueqqissaarnissamik isumaqatigiissutaaqqaarsimasumik 2007-imeersumik malinninniarpoq, tamatumanilu ingerlatsisoqarnerata nalaani suliffeqarfittut akileraarutinik akiliuteqartarnissamut taamaallaat pisussaaffeqarluni
Kalaallit Nunaata zinkimik qalluinissamik suliniummit angisuumit qanoq ililluni sapinngisamik annerpaamik isertitaqarsinnaanissaa pillugu isumaqatigiinniarnerit sakkortunissaat ilimanarsivoq suliffeqarfik aatsitassarsiulernissamut tunuliaqutaasoq suliffeqarfiit akileraarutaannik taamaallaat akiliisarnissaminik aalajangiusimannittoq paasinarsereersorlu.
Ironbark Zinkimmi misissueq qissaarnissamut isumaqatigiissutini 2007-imi atsiorpaa, tassa qarasaasialerinermi suliniummut aqutsisup mamiatsaatiginnissimaqisup Jens Erik Kirkegaardimik atillip royaltymik akiliuteqartitsisalernissamik oqaluuserisassani ima qaffasitsigisumik inissiinissaa taamalu Aleqa Hammondimit naalakkersuisunngortinneqarnissaa akileraartitseriaatsimillu inatsisinngortitsinissaa sioqquterujussuarlugu.
Taamaattumik Ironbark Zinkip isumaqatigiissutaani suli atuuttumi royaltymut tunngasunik oqaatsimik ataatsimilluunniit allassimasoqanngilaq, tusarniaanermilu atortussat tamanut saqqummiunneqarsimasut naapertorlugit suliffeqarfik tamatuminnga aalaja ngiusimanninniarpasilluni.
AG normu 42-mi, Namminersorlutik Oqartussat aatsitassarsioqatigiiffiup isumaanut oqaaseqarnersut atuaruk. Aviisi pisiniarfimmi imaluunniit uani ataani tuugassami pisiarisinnaavat.