Inuusuttut: Ilinniartitsisut pitsaasut taartaasartullu ikinnerusut perusuppavut
Kommuneqarfik Sermersuumi inuusuttut kommunalbestyrelsia tallimanngormat novembarip arfineq-pingajuanni ataatsimiikkami kommunimut pingasunik inassuteqaateqarpoq
Inuusuttut Nuummeersut, Paamiuneersut Tasiilameersullu tallimanngormat inuusuttut kommunalbestyrelsianni ataatsimeeqatigiipput, tassani inassuteqaatissatut siunnersuutit oqaluuserineqarput, kommunimi kommunalbestyrelsip suliareqqitassaanik. Inuusuttut illoqarfigisaminni oqarasuaatikkut ataatsimeeqatigiipput.
Malunnarpoq inuusuttut atuarfimmik pitsaasumik aamma ilinniartitsisunit pitsaasunit taartaasartunillu ikinnerusunik atugaqarnissaminnik kissaateqarnertik pingaarnerutikkaat.
Borgmester Charlotte Ludvigsen inuusuttut kommunip ataatsimiittarfianut tikilluaqquai, matumani politikkerit inersimasut tusarnaartartut issiavigisartagaanni tusarnaartuullutik.
Kommuneqrfik Sermersooq tusagassiuutinut nalunaaruteqarnermini allappoq.
Politikkerit inersimasut inuusuttut politikkeritut ineriartortut aallarniutitut oqaaseqaataannut tusarnaarput, tamatuma kingorna inuusuttut kommunalbestyrelsiat ataatsimiinniassammat ataatsimiittarfimmit anisinneqarput.
Politikkerit sulisinneqartut
Ataatsimiinnermi inassuteqaatit pingasut sorliit kommunalbestyrelsimut suliassanngortinneqassanersut taasissutigineqarpoq.
Inassuteqaatit pingasut tassaapput:
Ilinniartitsisut pitsaasut amerlanerit taartaasartullu ikinnerit
Sunngiffimmi amerlanerusunik neqerooruteqartoqartarnissaa
Toqqissisimanerusumik silataaniittoqartarnissaa
Borgmesteri tulluussimaartoq
- Immissinnut nersualaarsinnaavusi, Charlotte Ludvigsen inuusuttunut oqarpoq.
Borgmesterip inuusuttut kaammattorpai inuiaqatigiinni sunniuteqarniarnerminnik ingerlatsiinnaqqullugit.
- Ataatsimiilluarlutalu nuannisarsimavugut. Misigisaq nuanneqaaq, Maasi Petersen inuusuttut kommnalbestyrelsianni peqataanini pillugu oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...