Skip to main content

Inuusuttut Trump-imut illersuisutut teqqiallit amerikamilu nunap inoqqaavi aporaattut

Illutungeriit tamarmik isumaqarput namminneq eqqissisaaniarsimallutik, illuatungaaniittullu pisumi oqqassaarisimasut.

Videot assigiinngitsut, inuusuttut amerkamilu nunap inoqqaavi utoqqaat aporaannerannik takutitsisut arlallit, nittartakkani assigiinngitsuni takuneqarsinnaapput. TV2 taama allappoq. Washingtonimi Lincoln Memorialip eqqaani tallimanngormat taama pisoqarpoq, amerikami nunap inoqqaavi pillugit akerliussutsimik takutitsisoqarnerata nalaani.

Akerliussutsimik takutitsisoqareernerata kingorna akerliussutsimik takutitseqataasut eqimattat ikittunnguit inuusuttut puffassimaartut, sumiiffiup eqqaaniittut ornippaat. Siuttorineqarpoq Vietnamimi sorsoqataasimasoq Nathan Phillips. Taanna qilaatersorlunilu erinnersaarpoq.

Taassuma kingorna pisut assigiinngitsunik oqaluttuarineqarput. Nathan Phillips CNN-imut nassuiaavoq, amerikamiut inuusuttut assortuutereernerisa kingorna nammineq aggersimalluni eqqissisaajartorluni.

Pisup kingorna kikkut peeqqaassanersut pillugit unammisoqalersimarpasippoq. Angutip amerikamiup inuusuttup angut utoqqaq nunap inoqqaavineersoq isaatigut toqqarlugu isigaa, taannalu erinnersaaginnarluni.

Taama pisoqarnerani inuusuttut eqimattat arlallit aggerput, inuusuttoq utoqqarlu ungullugit. Inuusuttut arlallit Trumpimut illersuisutut teqqiaqarput allannertalinnik: 'Make America Great Again’. Nunap inoqqaavi arlallit Phillips ingiorlugu erinnersaaqataapput.

Illuatungaani Nick Sandmann, angut inuusuttoq videomi peqataasoq, nassuiaavoq angutip utoqqaap ingerlaarnerani nammineq assersorlugu eqqissisaasuusimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER